tisa

Hvaða Jón?

2009-05-14T11:47:00.003+01:00

Ég er búin með þýsku 103.

Altalandi þýsku.

Semí.

Íslenska á morgun.

Þrátt fyrir að vera altalandi íslensku og að hafa unnið stílvopnsverðlaun Seljaskóla í denn er ég efins um að ná íslenskunni.

En við sjáum til.

Maí (besti mánuður í heimi) er hálfnaður og bara tvær vikur í afmælið hennar Tinnu.

Þá get ég orðið fyllibitta löglega.

En gaman.

Ég fékk skóna mína í gær sem ég pantaði á íbei.

Vindbarinn póstmaður kom með þá upp að dyrum og heimtaði 1800 kall fyrir vikið.

Svosum ekkert frásögufærandi að gerast.

Næst þegar ég blogga ætla ég segja einhverja magnaða lygasögu.

Ætla að fara að pína heilann minn með því að fræðast um löngu dauða gaura sem hétu allir Jón eða Jónas og voru allir prestar og sömdu allir kvæði árið 15, 16 eða 17 hundruð og eitthvað.... Skiptir það máli svosem?

En fyrst!

Serrjós!!!

Jíha.

Nennleikinn í lágmarki

2009-04-24T00:09:00.002+01:00

Sumarið er byrjað.

Ehhhh....

Dagurinn var samt eiginlega týpískt íslenskt sumar í heild.

Ekkert það hlýtt og meiri rigning en maður kærir sig um en þó örlítið sólskin inni á milli.

En ég var að sjálfsögðu í vinnunni.

Sjoppudama af lífi og sál.

Sjoppudaman barðist við brjáluð unglingagengi sem keyptu næstum alla orkudrykkina í sjoppunni og urðu enn brjálaðari.

Hún dílaði við börn sem gengu um á einhverskonar kengúruprikum sem maður festir við lappirnar á sér og skoppuðu út um allt.

Mattsattax, Mattsattax!!! Görguðu þau í kór.

Svo fraus lottóvélin.

Gaurinn sem gaf mér bjór í vinnunni af því ég gat giskað á hvað hann væri gamall kom og við spjölluðum um hvort hann ætti frekar að hafa pinnamat eða snakk í partíinu sínu.

Ég sit hér alein í myrkrinu og nenni ekki að standa upp til að kveikja ljósið.

Er að jafna mig eftir daginn.

Átti ekki neinn mat svo ég borðaði eintómt pasta og síðan smá haframjöl af því að ég nennti ekki út í búð.

Ég horfði á tvær leiðinlegar myndir.

Ég horfði á tvo skemmtilega þætti.

Og til að enda þetta kvöld með stæl ætla ég að lesa bók um neanderdalsmenn.

Líf mitt er villt og tryllt og mig langar í vínglas.

Bara ef ég nennti að standa upp.

Upprisin

2009-04-20T11:13:00.003+01:00

Ég er komin aftur.

Aftur.

Ástæðan fyrir því að ég blogga sjaldan er margþætt.

E Channel, Facebook og sú staðreynd að engin nema systir mín les þetta vegur mest þar.

Á þessum mánuði sem liðin er frá því að ég skrifaði hér seinast hefur margt gerst.

Bara ekki í mínu lífi.

Ég er í skólanum bara.

Nú, og í vinnunni.

Ég fer í próf af og til og skálda stórkostlega í eyðurnar þar.

Ég fór í munnlegt próf í þýsku og vissi ekki að ég ætti að vita hvað pabbi hennar Elínar heitir og hvernig hund hún á.

Ígghh læse nígght læsebúghhenn!!! sagði ég á reiprennandi þýsku og fékk 6 í prófinu.

Svo skrópaði ég stíft og las bók um steinaldarstelpuna Aylu í staðin fyrir skólabók.

Kannski að stærstu fréttirnar séu þær að ég er ólétt.

Já, eða svo segir eitthvað random fólk sem ég hitti í sjoppunni og úti á götu.

Kúnni: Heyrðu!! Hvað ertu eiginlega komin langt á leið?

Fituhlussan ég: Án djóks?

Kúnni: Já, nei bara sko... Ég er bara forvitin því konan mín er ólétt líka.

Fituhlussan ég: LÍKA?

Kúnni: já....

Aldrei á ævinni hef ég séð neinn roðna jafn mikið eftir að ég tilkynnti honum að ég væri sko ekki ólétt og maður á aldrei ALDREI að spyrja stúlkur hvort þær séu ófrískar nema þær séu gengnar að minnsta kosti 9 mánuði og maður rekist á þær upp á fæðingadeild. ALDREI!

Þetta var ekki einangrað tilfelli þar sem að ég frétti að einn fastakúnninn hefði verið spyrjast fyrir um hvort ég væri ólétt líka.

Haldið kjafti!!!

Mér finnst bara Vogaídýfa góð.

Ókei!

Páskarnir komu og fóru og ég borðaði páskaegg frá Nóa Siríusi númer fjögur.

Ég fór í tvær fermingar.

Og ég fór í þónokkra göngutúra.

Fór á smávegis fyllerí.

Fór á hausinn.

Þakkaði mínum sæla fyrir að eiga vísakort.

Ég keypti mér alltof dýra skó.

Þakkaði aftur mínum sæla fyrir vísakortið góða.

Eldaði góðan mat.

Eldaði vondan mat.

Rökræddi um kisunöfn.

Barbara Walters og Clint Eastwood komu sterkt til greina.

Og hafði það bara notalegt yfir höfuð.

En nú er skólinn byrjaður aftur og dauðinn er yfirvofandi.

Það er lokaprófið í íslensku.

Dauði.

Það sagði mér stelpa að ég væri í flottum kjól í vinnunni.

OG ÞAÐ VAR SKO BIRGITTA FOKKING HAUKDAL.

Og hún er ólétt.

Eða bara fituhlussa eins og ég.

Undur

2009-03-13T17:26:00.002Z

Alein heima með úfið hár.

Er búin að horfa á þrjár E True Hollywood Story þætti núna.

Seinfeld sagan.

The Cosby Kids sagan.

Friends sagan.

Heillandi allt saman.

Ég hefði kannski átt að nýta tímann í að lesa ótrúlega leiðinlegu kjörbókina mína.

Íslenskar bókmenntir heilla mig ekki.

Og mér finnst Laxness leiðinlegur.

Ég held samt að það sé bannað að hafa þá skoðun.

Ég ætla að eyða helginni í vinnunni.

Ég ætlaði að byrja að vinna á undarlegum veitingastað.

Ég fór í undarlegt atvinnuviðtal þar sem var spurð undarlegra spurninga á undarlegri ensku af undarlegum manni.

Maðurinn virtist frekar undrandi þegar ég afþakkaði svo starfið.

Þannig ég ætla að halda mig í einni vinnu.

Sjoppudama af lífi og sál.

Eða svona smá.

Er ekki alveg viss hvort það sé mín köllun í lífinu.

Ástralía kallar á ný og ég þarf að fara að spara fyrir næstu ferð.

Kemst kannski eftir ár.

Ef ég ætla að vera sjoppudama þá vil ég allavega vera sjoppudama á meira spennandi stað en Garðabænum.

Garðabærinn er ekki alveg nógu famandi fyrir minn smekk.

En í augnablikinu er ég ánægð í kotinu mínu í Grafarvogi.

Fór meira að segja í gönguferð um voginn.

Það var eftir að ég var búin að horfa á 20 Sexiest Pop Stars í sjónvarpinu.

Ég ákvað ég væri ógeðsleg og svo drullaði ég mér út í göngutúr.

Ég verð að hætta að horfa á E! Channel.

Fallegir hlutir

2009-03-10T00:30:00.003Z

Þjáningar mínar eru loks á enda.

Þökk sé pillum.

Ég stend í þakkarskuld við herra Alexander Fleming fyrir að hafa fattað upp á pensilíni.

Takk Flemmi.

Streptókokkar er ógeðslega sársaukfullt fyrirbæri.

Það heitir líka ógeðslegu nafni.

Þegar ég drekk þá fer drykkurinn út um nefið mitt.

Það er asnalegt og óþægilegt og kenni ég veika hálsinum um.

Trópí með aldinkjöti var verst að fá út um nefið mitt.

Það að ég var í vinnunni á meðan það gerðist bætti ekki úr skák.

En að fallegri hlutum.

Stjörnuhrap.

Súkkulaði.

Silfur kjóllinn minn.

Hvolpar.

Túlípanar.

Dúnsængur.

Gullfoss.

James Franco.

Stóllinn sem ég sá í IKEA.

Norðurljós.

Jarðaber.

Heimilið mitt.

Múmínálfar.

Ætla að fara að tala við sjálfa mig.

Barack Obama er umræðuefnið.

Kúl gæji.

Smámál

2009-03-03T15:24:00.002Z

Tinna er hungruð og henni er líka kalt.

Illt í hálsinum og með örlítinn varaþurrk.

Skítugt hár en nennir ekki að þvo það.

Hún er löt og pirruð.

Og á bilaðan bakaraofn.

Mér leiðst að skafa af bílnum.

Mér leiðist enn meira að setja bensín á hann.

Og ég hef ekki þvegið hann í tvö ár.

Vinnan mín er frekar einmannaleg og leiðinleg.

Það er 38 karlmaður stanslaust að reyna við mig.

Mér finnst það ekki gaman lengur.

Ég keypti mér seinast föt í nóvember.

Það voru aðallega hlírabolir.

Hvítur hlírabolur.

Bleikur.

Svartur.

Og annar svartur.

Ég þori ekki í jaxlatöku og beilaði undir því yfirskini að ég ætti ekki efni á því.

Ég ætla ekki að kjósa og ég fylgist ekkert með þróun kreppumála.

Það er af því að mér er alveg sama um þetta.

Ég get ekki hætt að naga á mér neglunar.

Ég get heldur ekki hætt að reykja.

Það er af því að mig langar ekki til þess.

Í staðinn minnkaði ég bæði til þess að friða samviskuna.

Ég er í alvörunni pínulítið kvíðin fyrir því að klára Friends seríurnar.

Veit í hverju ég á að sóa lífinu eftir það.

Ég fæ harðsperrur af því að skúra.

Samt er ég bara frekar kát.

Svona á milli pirringa.

Kæliskápsmorð

2009-02-27T01:16:00.004Z

Í dag afrekaði ég það að mæta í alla tímana í skólanum og það á réttum tíma.

Eftir skóla skrifaði ég hreint út sagt frábæra enskuritgerð.

Ég endaði hana meira að segja á málshætti.

Ég mun aldrei ljóstra upp hvaða málsháttur það var.

En ég skrifaði hinsvegar þetta í ritgerðina mikilfenglegu:

The soldier decided to desert the dessert in the desert.

Svo glósaði ég 6 kafla í stærðfræði og hugsaði um súkkulaðiköku á meðan.

Auðvitað horfði ég líka á tíu þætti af Sex in the City.

Ég er bara stolt af mér.

Ég held að ég þurfi að myrða ísskápinn.

Það myndi ekki bítta neinu.

Hann er hvort sem er tómur.

Sprengidagurinn er búinn.

Kom og fór.

Ég var búin að hlakka til að fara í saltkjöt og baunir til mömmu lengi vel.

Mmm saltkjöt og baunir! Hugsaði ég með tilhlökkun í hjarta.

Þegar ég svo fékk mitt saltkjöt og mínar baunir fattaði ég að mér finnst það bara ekkert gott.

Ég veit ekki afhverju mig minnti að mér fyndist þetta gott.

Mikil vonbrigði.

En bollurnar voru Góðar.

Með stóru G.

Hasarhetja

2009-02-24T23:49:00.003Z

Mig er alltaf að dreyma að ég sé einhverskonar hasarhetja.

Fyrir tveimur nóttum var ég á flótta undan lögreglunni út af því að ég tók gísla á spítala.

Ég var sveiflandi mér milli svala í Flúðaselinu til að sleppa og dulbjó mig sem ungling með snjósleða.

Seinustu nótt var ég að aftengja sprengju í Flórída eða einhverstaðar, ég komst út í tæka tíð en sprengjan sprakk og ég var með áhyggjur af hárinu á mér.

Ég get ekki beðið eftir að vita í hverju ég lendi næst.

Jáhhh...

Systir mín er að spá í að gerast það sem hún kallar Knitting Actavist.

Ég veit ekki hvort ég á að vera með áhyggjur.

Pabbi minn ætlar að bjarga skipulagsþróun Reykjavíkur ásamt Rússanum Alexander með snilldaráætlun þeirra.

O'Halloranarnir (hehe ranarnir!) eru alveg að fara að koma! Semí alveg að fara að koma allavegana...

Bróðir minn ætlar að lana á Sæludögum í skólanum.

Smá fjölskyldufréttir.

Gaman.

Ég ætla hinsvegar að horfa á sjónvarpið á Sæludögum.

The In-Laws, Kommisar Rex og Toy Story 1 og 2.

Eintóm sæla.

Ég ætla samt ekki á árshátíðina af því að ég er fátækur partípúber.

Og svo er hún líka á Selfossi.

Skólaskemmtanir heilla mig ekki lengur.

Hvað þá skólaskemmtanir á vegum FB.

Hinsvegar hitti ég gaur í sjoppunni góðu sem sagði mér að hann væri að vinna við gæslu á skólaböllum og að fólkið sem ynni þar hirði alltaf allt áfengið sem þau gera upptækt, sem er víst ógeðslega mikið.

Nýr frami fyrir Tinnu!

Svo sagðist hann ætla að gefa mér bjór ef ég gæti giskað hvað hann væri gamall (gaurinn, ekki bjórinn).

Ég fór heim úr vinnunni með 1stk. bjór í dós.

Ó já.

Febrúar.. Schmebrúar

2009-02-21T12:27:00.002Z

Ég man ekki hvenær ég fékk seinast gin og tonik og mér finnst það rosalega leiðinlega.

Hvernig bragðast það aftur.

Mig minnir að það sé himneskt.

Alltaf er ég að vinna um helgar.

En ekki næstu helgi.

En núna var ég örugglega að jinxa það og verð beðin um að vinna.

Ég fæ samt ekki útborgað fyrr en á mánudegi þannig ginið og tonikið verður að bíða í nokkrar vikur.

NOKKRAR VIKUR!

Ó mæ. ó mæ.

Ég get ekki beðið eftir að Febrúar sé búinn.

Sem betur fer er hann stuttur.

Og afhverju er ekki frí í skólum landsins á BolluSprengiÖsku dögunum?

Það er hneykslanlegt.

Á þessum dögum í fyrra var ég í útlöndum (já, Ástralíu.. er samt hætt að tala um hana.. ég lofa) og gleymdi þessum dögum eiginlega bara.

Fékk enga bollu og ekkert saltkjöt... hvað þá baunir.

Mér var samt eiginlega alveg sama.

Skítsama.

En ekki núna.

Núna er ég ekki í útlöndum.

Það er rigning og kalt og ég er fátæk og bitur.

Það er ekkert rölt niður á strönd hér.

Það er keyrt í skólann á pústlausum bíl.

Mig vantar bollur til að lífga upp á tilveru mína.

Ætla að læra þýsku.

Hvar ertu sumar?

Vindar og væl

2009-02-18T01:33:00.002Z

Ég á að vera sofandi.

Afhverju er ég ekki sofandi?

Ég meina... Mér finnst fátt skemmtilegra en að sofa.

Ég stofnaði svefnfélag for crying out loud!

Núna er ég farin að kvíða því hvað verður erfitt að vakna á morgun.

Sem gerir mér ennþá erfiðara fyrir.

Ég er búin að skoða allt internetið.

Ég var næstum því farin að læra heima!

En ég ákvað að skoða allt internetið upp á nýtt.

Ég var uppgvöta nýjan hlut varðandi húsið sem ég bý í.

Þegar það er rok þá vælir húsið.

Húsið er vælukjói.

Það er ekki mikið nýtt að gerast.

Ég fer í skólann.

Stundum fer ég samt óvart ekki í skólann.

Ég fer í vinnuna.

Ekkert skróp þar.

Ég horfi á Vini.

Vinir eru að eyðileggja líf mitt.

Ég geri nánast ekkert annað en að glápa á þá.

Kem engu í verk.

Þetta er hræðilegt ástand.

Að öðru.

Æi skiptir ekki.

Ávallt viðbúin

2009-02-13T11:57:00.002Z

Internetið er tengt við litlu fallegu íbúðina í Logafoldinni.

Ég er hamingjusöm á ný.

Núna er ég samt í íslensku tíma 403.

Er að að hlusta á fólk flytja munnleg verkefni um Jón Hreggviðsson.

Með öðru eyranu samt.

Ég er komin með ógeð af Jóni Hreggviðssyni.

Eftir íslenskutímann góða ætla ég að undirbúa innflutningsteiti aldarinnar.

Blása upp blöðrur og fara yfir skemmtiatriðin með töframanninum.

Setja upp borða og kaupa veitngar.

Láta plötsnúðinn fá uppdrátt af lagalista.

Setja upp froðuvélina.

Setja upp barinn og skera sítrónur.

Og ekki má gleyma dansörunum.

Lífið er bara skítsæmilegt.

Skriffinnur og Pirrtinnur

2009-02-06T19:01:00.003Z

Tinna er formlega flutt.
Búin að færa lögheimið.
Ég þurfti að standa í röð til að gera það.
Þar stóð ég þangað til röðin var komin að mér eins og siðmenntuðu fólki sæmir.
Þá sagði daman bak við glerið að ég þyrfti að fylla út bláa og hvíta blaðið sem væri við innganginn.
Af því loknu fékk að standa aftur í sömu röð til þess að rétta dömunni góðu blaðið svo hún gæti sett svona stimpil á það.
Þetta tók ógeðslega f****** he******* ands**** langan tíma og ég var ekki spurð um skilríki eða neitt.
Mín spurning er: Afhverju er þetta ekki hægt á netinu?
Og ef einhver segir mér að þetta sé alveg hægt á netinu mun ég láta lóga viðkomandi.
Eða færa lögheimili viðkomandi á Neskaupsstað.
Það er víst ekkert mál fyrst maður þarf ekkert að sanna hver maður er þarna á Hagstofu Íslands.

Ehh.

Ég er búin að pakka upp og koma mér fyrir.
Fyrst var svolítið erfitt að koma sér þægilega fyrir vegna húsgagnaskorts.
Það er búið að kippa því í liðinn núna og við erum með tvo sófa.
Einn sófi á mann!
Er það lífið eða hvað?

Já, guli sumarbústaðurinn okkar Evu er alltaf að verða heimilislegri.
Reyndar var mér lúmskt sparkað út í kvöld.
Ég er ekki húsum hæf þegar kemur að matarboðum.
Þannig að ég er í gráa braggaþaks endaraðhúsinu pabbans.
Pabbinn keyrir rauðan Opel.
Ég og pabbinn erum ógeðslega hipp og kúl.

Tinna flytur að heiman

2009-02-01T12:52:00.002Z

Moving Day!

Í dag mun ég flytja að heiman.

En ég er þessu vön, þar sem ég hef nú semí flutt til Ástralíu áður.

Vonum bara að ég endist lengur en þrjá mánuði í Grafarvoginum.

Ég er búin að pakka aleigunni niður.

Ég kom henni í tvo kassa.

Reyndar eru fötin mín í fjórum stórum pokum.

Og meira á ég ekki.

Mig langar að snjórinn og hálkan fari.

Er í fýlu út í konung vetur eftir að svoleiðis flaug á rassgatið í hálkunni.

Núna er ég helaum og stíf.

Ekki gott ástand á Moving Day.

Ó nei.

Svo þarf ég að galdra fram eitt stykki ritgerð um bók sem ég á eftir að lesa.

Og ég þarf líka að læra að telja upp á 30 á þýsku.

Það er svolítill munur á íslensku og þýskutímum.

Ég vildi að ég þyrfti bara að læra að telja upp á þrjátíu á íslensku.

Ég er með poppkornskurn fasta milli tannanna.

Það er að gera mig brjálaða.

Og ég sem er búin að pakka niður tannþræðinum!

Óviðráðanleg gleði

2009-01-25T23:58:00.002Z

Makkinn minn ástkæri er kominn úr viðgerð og ég ræð ekki við mig af gleði.

Fleiri gleðifréttir.

Er að fara að skoða íbúð á morgun og er að deyja úr spenningi.

Ég ætla í Keflavíkur roadtrip á föstudaginn.

Ég er með miklu hærri laun en ég þorði að vona.

Systir mín kær er búin að bóka far til landsins.

Það er svo gaman hjá mér.

En auðvitað er líka hellings bögg í gangi.

Bakið mitt er ekki að höndla þá miklu erfiðisvinnu sem ég er í.

Fjárhagurinn minn er ekki að fara að höndla það að flytja út.

Bíllinn minn er ekki að fara að höndla roadtrip.

Þvotturinn minn er ekki ennþá búin að þvo sig sjálfur.

Ég á eftir að læra heima og það er komið miðnætti.

Ég er með sár í munnvikinu.

Og ég er með I Kissed a Girl lagið á heilanum.

Slæmi listinn minn er alltaf lengri en góði listinn minn.

En ég samt í geðveikt góðu skapi.

Það er af því að ég get hangið á Facebook að nýju.

Þá skiptir ekkert annað neinu máli.

Ætla að fara að lesa About a Boy í þriðja skiptið.

Nei annars...

Eða jú...

Æi fokk.

Rauð Gen?

2009-01-21T10:25:00.004Z

Vildi bara benda fólki á að ég á sætustu frænku í heimi.
Systurdóttir mín, Freyja, er orðin rauðhærð samkvæmt nýjustu myndum.
Ég er skyld rauðhausi.
Vá hvað ég vona að hún sé örvhent líka.
Múhahahha.

Litla Ástralíu fjölskyldan ætlar að koma í heimsókn á Krepplandið eftir nokkra mánuði.
Þá get ég byrjað að leggja frænku í grimmt einelti.
Annars held ég að ekki einu sinni ég geti böggað svona mikla dúllu. Rauðhærð og örvhent eður ei.

Ehhh...

Ég er ekki búin að vera að gera rassgat.

Nema að læra ákveðinn greini í þýsku teljist með.

Svo átti ég líka að lesa upp grein í ensku fyrir framan bekkinn.
Þá kom jarðskjálfti eða eitthvað því ég byrjaði að hristast á fullu þegar ég byrjaði að lesa.
Þar af leiðandi gat ég ekki lesið á blaðið mitt vegna þess að það var á fleygi ferð.
Ég þurfti að leggja það frá mér svo að fólk myndi ekki halda að ég væri að fá flogakast og sagði frá hjónabandi Fionu og Clives eftir minni.
Minni mitt brást mér.

I've lost my mojo.

Esther rafvirkjanemi og snillingur í alla staði er tveggja tuga gömul í dag.
Ég á nýjan díler.
Vúhú.

Besti dagur vikunnar

2009-01-19T10:07:00.003Z

Ég átti svoleiðis yndislega helgi.
Náði svona flestum takmörkum mínum.
Nema þessum leiðinlegu.

Ég var í þýskutíma áðan.
Er sko geðveikt góð í þýsku.
Búin að læra meira í þýsku núna en ég lærði í frönsku á tveimur önnum.
Eða um tuttugu orð.

Núna er ég í gati.
Eitt af fimmþúsund götunum mínum í hverri viku.

Svo er ég að fara í tölvufræði á leikskólastigi á eftir.
En þar lærum við að búa til powerpointskjöl.
Hvernig maður velur mismunandi letur og bakgrunn.
"Og svo er hægt að horfa á þetta í SLIDESHOW"
Tilkynnti kennarinn hátíðlega í seinasta tíma.
Ég get ekki beðið eftir að komast að því hvað ég læri næst.

Svo er það enska.
"I didn't actually read your papers, but I did tick them with a red pen"
"Does anyone know what 'tick' means???"

Mánudagar eru ekkert svo slæmir.

Svo er maður byrjaður að vinna á vídjóleigu.
Og það upp í Garðabæ.
(Ég skrifaði fyrst óvart Garpabæ og hló að sjálfri mér í tíu mínútur)

Ég er ógeðslega fyndin.

Ég komst að því út í Ástralíu að sextán og sextown er borið fram alveg eins.
Mér finnst það líka ógeðslega fyndið.
Sérstaklega vegna þess að ég var bara að gera mér grein fyrir þessu fyrir tveimur mánuðum eða svo.

Ætla að leggjast undir sæng í þrjátíu og fimm mínútur.

Bilanatíðni Tinnu

2009-01-16T13:15:00.003Z

Fyrsta 'helgarfríið' mitt síðan skólinn byrjaði.
Finnst eins og þurfi að gera eitthvað magnað.

Ég er komin með magnaðan lista yfir magnaða hluti sem ég hef ætlað mér að gera.

1. Moka út úr herberginu mínu. (einnig þekkt sem að taka til)
2.Fara í IKEA og kaupa fataskáp svo ég hafi annan stað en gólfið til að geyma fötin mín á.
3.Setja saman fataskápinn því IKEA selur bara húsgögn í formi púsluspila.
4.Éta pítsu.
5.Drekka hvítvín.
6.Búa til möffins og túnfisksalat
7.Fara á Slumdog millionare.
8.Læra heima
9.Horfa á endursýningar á Skjá Einum.
10.Þvo þvottinn minn (er að verða uppiskroppa með sokka)
11.Setja svona vatnsheldisdót á skóna mína.
12.Vinna á vídjóleigu.
13.Sofa út
14.Hanga á Facebook og njósna um fólk sem ég þekki ekki neitt.

Með mínum metnaði ætti mér að takast að framkvæma allavega þriðjung af þessu.

Útúrdúr: Mér er frekar kalt á tánum þessa dagana.

Ég er komin með fráhvarfseinkenni.
Nei.
Ég er ekki hætt að reykja.
Makkinn góði er búin að vera í vigerð í viku.
Eitthvað svona fatal error sem poppaði upp svo ég sá mig knúna til þess að láta Makkann frá mér.
Tölvulausa Tinna tók því upp bók.
Núna er ég búin með tvær skáldsögur.
jPod sem er spennandi og skemmtileg á ógeðslega nördalegan og stórfurðulegan hátt.
About a Boy sem ég kláraði svo í gærkvöld/nótt sem er auðvitað yndisleg en hún er fyrir skólann.

Útúrdúr: Það er strákur að benda á mig og segja GRÖÖÖÖÖÖÖÖÖÖÖÖÖÖH.

Aðrir bilaðir hlutir í eigu Tinnu.

Myndavélin mín sem ég keypti London fyrir ári.
Það varð þess valdandi að ég kom nánast myndalaus frá Ástralíu.
Pústið á bílnum.
Sem gerir það að verkum að mér líður eins og sé að keyra kappakstursbíl.
Sem er bara frekar kúl.
Fataskápurinn minn.
Eftir að ég datt á hann og hann brotnaði.
Það var ógeðslega sársaukafullt.
Eiginlega allar fjarstýringarnar sem ég á.
Má rekja það til kókniðurhellinganna miklu árið 2007.
Síminn minn.
Að því leyti að 'skella á takkinn' virkar ekki lengur.
Nefið mitt.
Það er alveg óstarfshæft.
Rennilásinn á peningaveskinu mínu.
Það er ýkt pirrandi.

Ég ætla að taka mál núna af fataskápnum mínum.
Það er svo gaman að mæla hluti.

Nýtt upphaf

2009-01-12T14:55:00.002Z

MySpace er dáið.

Ég nenni ekki að blogga þar lengur.
Aðallega af því að ég nenni ekki að logga mig þar inn lengur.

Svo ég hef ákveðið að færa mig aftur á gömlu góðu tisu síðuna mína.
Ég veit ekkert hverjir lesa bloggin mín og mér er eiginlega alveg sama enda er ég meira að þessu fyrir mig.
Veit samt ekki alveg afhverju.
Það skiptir ekki öllu.

Ég hef ekki bloggað í háa herrans tíð og mig er farið að klæja hressilega í bloggputtana.

Það er nýtt ár.

Fyrir mig hefur það í för með sér nýjan skóla og nýja vinnu.
Vinnan er ekki alveg komin á hreint svo ég ætla ekki að vera að tjá mig um hana.

En ég orðin FB-ingur.
Það var svolítið yfirþyrmandi að mæta í tíma eftir að hafa gert nákvæmlega ekki neitt í fjóra mánuði.
Án þess að vilja móðga yndislegu íslensku vini mína þá sakna ég þess sárt að liggja í leti í Ástralíu með bjór í hönd og myndarlegan karlmann mér við hlið. Mmmmmmm....

Ég er búin að mæta í nokkra tíma í FB og líst svona misvel á þetta.

Enskukennarinn minn er ógeðslega fyndinn af því að hann talar íslensku með enskum hreim og ensku með íslenskum hreim.
Hann eyddi megninu af tímanum í að dásama húsgögnin í kennslustofunni og var það honum mikið hjartans mál að við tækum eftir því hvað borðið voru geðveikt kúl og miklu betri en öll önnur borð í skólanum.
Það leið næstum yfir mig í tilraunum mínum til að bæla niður hlátur minn.

Íslenskukennarinn talar á ljóshraða og hleypur helst út um allt á meðan.

Stærðfræðikennarinn er með teninga á heilanum.
Sem er kannski ekkert nema góður hlutur þar sem ég er að fara að læra líkindafræði.

Tölvukennarinn er svo krúttleg að mig langar að ættleiða hana sem ömmu mína.

Fjölmiðlafræðikennarinn talaði mikið um að væri búin að vinna hérna síðan '91 sem væri lengri tími en við nemendurnir hefðum lifað (ég ákvað að minnast ekki á það að ég er fædd '89 því ég vildi ekki skemma ræðuna hans)
Hann virkaði frekar bitur yfir þessu öllu saman.

Íþróttakennarann hef ég ekki hitt af því að ég ætla að segja mig úr íþróttum.
Og afhverju?
Af því að ég get það!

Já ég get svosum ekki sagt mikið meira um skólann þar sem ég bara búin með tvo daga í honum.

Þessa dagana eyði ég megninu af mínum tíma í að horfa á Gossip Girl.
Ég byrjuð að örvænta smá vegna þess að ég er að verða búin með alla þættina.
Hvað geri ég þá?
Ég gæti mögulega einbeitt mér að náminu, sem er það sem ég ætla að reyna að gera.
Mig langar samt miklu frekar að horfa á Gossip Girl og ímynda mér að kærastinn hennar Serenu sé kærastinn minn.

Annars er ég bara pirruð, löt og bitur eins og vanalega en það er einmitt oftar en ekki innblástur minn þegar ég skrifa.
Ég vil samt koma því fram að ég er hamingjusamlega pirruð, löt og bitur og veit hreinlega ekki hver ég væri ef ég væri ekki pirruð, löt og bitur.

Góðar stundir.

Hvar er Tinna?

2007-02-14T15:46:00.000Z

Ég þykist nokkuð viss um það að allir séu að velta því fyrir sér hvar ég sé niðurkomin.

Það skal ég segja ykkur.

Á MySpace.

Þetta er samt bara til að prófa.

En á meðan mun ég blogga þar og athafna mig þar.

www.myspace.com/tisa_

Já ég þarf ennþá að drattast með eitthvað strik fyrir aftan tisuna mína.

Helvítis.

Seinasta sinn í bili.....

Tinna - Leti er lífsstíll

Það er rigning úti en það er allt í lagi, ég er inni.

2007-01-27T16:18:00.000Z

Þið hafið heyrt um hann.

Ég kynnt hann fyrir sumum ykkur.

Sum hafið séð hann, sum ekki.

Það er kannski langt síðan ég hef minnst á hann.

Ég hef reynt að útiloka hann úr hugsunum mínum.

Það gengur ekkert.

Sama hvað ég bölva honum mikið.

Sama hvað ég grátbið hann um að láta mig vera.

Hann hlustar ekki, honum er sama.

Drullusama.

Skítsama.

Það eina sem hann gerir er að angra mig daginn inn, og líka daginn út.

Það er liðið meira en ár síðan hann byrjaði á þessu.

Meira en ár!

Ég hef fengið mig fullsadda af þessu kjaftæði í honum.

Láttu mig bara vera.

Fjandans fjörfiskurinn þinn.

Tinna - Leti er lífsstíll

Það er ekki hugsunarleysi, það er framkvæmdarleysi

2007-01-24T22:18:00.000Z

Ég held ég eigi leynilegan aðdáenda.

Eða stokker bara, er það samt ekki sami hluturinn?

Eða kannski skjátlast mér.

Það væri þá ekki í fyrsta skipti.

Bíllinn varð fyrir svona bully í dag. Bullyinn var í formi Porche jeppa. Porche jeppinn rak litla bílinn með spoilerinn úr bílastæðinu hans.

Djöfull lét ég vaða mig.

Var að hugsa um að lykla Porchinn.

Ég gerði það ekki.

Ég hugsa oft.

En framkvæmi aldrei.

Læra?

Taka til?

Lykla?

Borga sektina?

Borða?

En framkvæmi aldrei.

Það er bara ágætt. Er það ekki?

Ég hlóð iPoddinn. Nú þarf ég ekki að misbjóða eyrunum mínum með útvarpinu. Fjúkk.

Ég fór á Little Miss Sunshine í gær.
Það er bíómynd.

Þetta var mynd um mjög svo skrítna fjölskyldu og ég hef sko komist í tæri við skrítnar fjölskyldur en þessi var over the top.

Það er eiginlega allt á afturfótunum hjá þessum greyjum. En á krúttlegan og fyndin hátt. En aftur á móti hef ég verið sökuð um að vera sálarlaus skepna (aðallega eftir að ég tala um vinnuna mína, og svo þegar ég grét ekki yfir The Notebook) og það gæti verið ástæðan fyrir því að mér fannst þetta æðislega fyndin mynd.

Best að fara að gera eitthvað að viti. (framkvæmdarlaus hugsun í aðsigi)

Tinna - Leti er lífsstíl

PS. Ég þori ekki í dönsku á morgun.
Veit ekki hversu lengi í viðbót ég kemst upp með að vera með núll prósent af dönskubókum í þessum tímum.

Innskot

2007-01-23T08:59:00.000Z

Ísland er betra en Frakkland. Fréttir?

Borgó sökkar á sokkum

Jarðfræðikennarinn minnir mig á aðstoðar indjánahöfðingja í Pókahontas. Satt?

Tinna - Leti er lífsstíll

Hvað er að gerast í heiminum í dag?

2007-01-21T23:41:00.000Z

Spurningin sem ég spurði sjálfa mig í dag þegar ég kveikti á Exinu í morgun: Hvað er að gerast í heiminum í dag? Þið takið eftir að ég fjarlægði slatta af blótsyrðum úr setningunni.

Íslensk dægurlög.

Öll um þegar Sigurður fór á sjó og trallalæ og hopp og hí.

Hvað er að gerast?

Ég er klárlega ekki nógu andskotans kát manneskja til að hlusta á svona lagað. Nóg af tralli, hvar er þunglyndið?

Nei ég tek nú mín gelðitímabil, eins og í gær.... en það er nú allt önnur og óblogghæf saga.
BOMM BOMM BOMM

Kannski að maður fái núna nokkur símtöl frá æsispenntu fólki sem getur ekki beðið eftir að fá að heyra frá spennandi laugardagskvöldinu mínu.

Já kannski bara það.

Steri the Stripper er 18 ára í dag. Á morgun munu foreldrar hennar loksins henda henni út með góðri samvisku.

En það er allt í lagi hún giftir sig bara og kaupir hús. Hún má. Hún er 18.

Sterinn og ég fengum okkur afmælis-morgunmat á Prikinu (klukkan þrjú)

Nachos, Franskar, Bragðarefur og beint út á Nes. Þannig á þetta að vera.

Já til hamingju Esther mín.

En ég var annars að pæla í svona .com síðum, eftir að Maggi fékk sér þannig. Ég hugsaði með mér að það væri miklu flottara að vera tisa.com.

En andskotinn hafi það. Það er til. Hversu fokking lengi þarf ég að drattast með þetta bandstrik fyrir aftan Tisu?

Og það besta er að það er ekkert á þessari stolnu tisa.com, EKKERT!

Welcome og asnaleg úrgáfa af RÚV merkinu.

Takk Maggi, þú gerðir mig pirraða.

Nú er ég svo pirruð að ég get ekki meir.

Farin að láta pirrið bitna á fjölskyldunni.
They love it.

Tinna - Leti er lífsstíll

Tréhæðin, DDD, Bubbi og fleira

2007-01-16T19:27:00.000Z

Æi Tréhæðarþátturinn var þá ekkert spes, allir grátandi. Maður myndi halda þau væru orðin vön svona áföllum núna.

Ég hef ekkert að segja nema kannski til hamingju við Evu fyrst hún náði bílprófinu sínu í fyrstu tilraun. Það er ekkert eins sjálfsagt og fólk vill halda fram að ná þessum andskota í fyrsta skipti.
Ó nei herra Bob.

Annars er ekkert að frétta nema snjór. Ég hef ekki gaman að snjó. Hann er kaldur og fer alltaf ofan í skóna mína.

Annað sem ég hef ekki gaman að: Danska, Danmörk, Danir og dönskukennarar. DDD* áætlunin er komin aftur á skrið.

Fleira sem ég hef ekki gaman að: Smábörn. Ég tel mig ekki þurfa að útskýra það nánar.

Þetta gæti orðið langur listi ef ég held áfram. Það er ótrúlegt hvað fer mikið í taugarnar á mér.

Til dæmis SKO, það var nú meiri drullan. Ég er líka komin aftur til Símans, kom skríðandi aftur og grátbað um að taka við mér aftur. Símagaurinn í Kringlunni vildi lítið með mig hafa og vísaði mér annað, sölumaður ársins sá. En SmáralindarSímagaurinn tók við mér með opnum örmum. Því miður ekki bókstaflega.

Annars ætla ég að enda þetta með hugljúfum texta um einn vinsælasta tónlistarmann landsins, Bubba. Þetta var samið ásamt Viktor í leiðinlegasta dönskutíma sem ég hef nokkurntíma setið/legið í síðan ég byrjaði að læra dönsku fyrir fimm árum.

Þegar Bubbi fékk búlímíu

Bubbi sat á bryggju
baulaði sitt lag.
Hafði það í hyggju
að henda sér í bað.

Bubbi sat í baði
borðaði sinn snúð.
Sá á súkkulaði
stóran fituhnúð.

Viðlag:
Bubbi - Greyið Bubbi
Hann bubbar öllu upp

Bubbi stökk úr baði
búlímíu fékk.
Varð varanlegur skaði
við klósettið hann hékk.

Bubbi reynd'að borða
bubbaði því strax.
Hann verður hungurmorða
hann langar svo í lax

Viðlag:
Bubbi - Greyið Bubbi
Hann bubbar öllu upp

Það á að fylgja afskaplega falleg mynd af honum Bubba, en ég nenni ekki að kaupa skanna og setja hana inn á.

Tinna - Leti er lífstíll

*DDD = Deyðu Danska Deyðu

Unglingadrama dauðans

2007-01-15T19:45:00.000Z

Þetta blogg verður skrifað á korteri.

Eftir þetta korter mun ég horfa á æsispennandi og dramatískan þátt af Einni Trébrekku.

Þetta er rosalegt Hailey er 17 ára gift og ólétt, og svo kom Daunte og keyrði á hana í stað Nathans en hann hafði fengið lán hjá Daunte í staðin fyrir að tapa körfuboltaleik en Nathan vildi svo ekki svíkja þjálfarann og liðsfélagana og vann leikinn og þá varð nú Daunte karlinn ekki kátur og keyrði á Hailey og klessti svo á. Nathan var nú ekki sáttur og drap hann en Dan kom og tók á sig sökina. Lucas fékk svo hjartaáfall í öllum látunum því hann sleppti því að taka lyfin sín til að hann gæti unnið leikin sjálfur því hann vissi að Nathan ætlaði að tapa.
Lucas byrjaði aftur með Peyton eftir að hún var alltaf að grenja í honum út af því að gaurinn sem þóttist vera týndur hálfbróðir hennar var stalker sem reyndi að nauðga henni en þá kom alvöru hálfbróðir hennar sem er í hernum og henti vonda karlinum í gegnum glugga í slow motion. Svo er Karen mamma hans sem er ólétt eftir Keith sem Dan bróðir hans drap og nú er Dan að reyna að koma sér í mjúkin á Karen aftur en hann yfirgaf hana fyrir Deb sem er nú geðveikur dópisti sem reyndi að brenna Dan inn í bílabúðinni sinni en Lucas bjargaði honum hetjulega í slow motion rétt áður en allt sprakk í háaloft.

Bara ef ég lifði svona viðburðaríku lífi. Jeez.

Best að sjá hvað gerist núna. Þetta er ávanabindani stuff. Svona eins og Kristall Plús.

Tinna - Leti er líftíll

Reykjanesskaginn er fullkannaður og þar fundust ekkert nema lygar um bláa liti

2007-01-07T18:03:00.000Z

Það er ein vika búin af þessu ári.

Það er samt ekkert ástæðan fyrir þessu bloggi.

Reyndar hef ég aldrei bloggað af neinni ástæðu.

Og þetta mun verða mjög ástæðulaust blogg.

Kannski bara til þess að fræða fólk um hvernig örvhent sautján ára manneskja sem kann ekkert í frönsku hagar lífi sínu.

Ég hef reyndar ekki afrekað mikið á þessari viku. Eiginlega bara ekkert.

Nema...

Ég fór í Bláa lónið. Ég villtist reyndar fyrst og fór til Grindavíkur.

Bláa lónið er í raun og veru hvítt á litinn.

Skrítið hvernig fólk nefnir hluti bláa sem eru svo ekkert bláir. Bláa lónið og Blái salurinn. Veit ekki um fleiri óbláa hluti sem bera blá nöfn, en ég ætla svo sannarlega að skrá það niður hjá mér ef ég finn einhverja.

Ég bjó til brauðrétt a la Tinna og Freyja. Tinna og Freyja kunna ekki að opna dós. Frekar vandræðalegt að þurfa að brjótast inn í annarra manna eldhús og stela dósaopnara.

En brauðrétturinn bragðaðist mjög vel. Stefnan er tekin á túnfiskbrauðtertu mjög fljótlega.

Stay tuned.

Ég held ég hafi einhverntíman minnst á það að þurfa að fara að stunda það að fara í ævintýraleiðangra svo ég hefði frá einhverju að segja.

Og viti menn.

Ég og Esther hin síhlæjandi lögðum í einn þannig leiðangur. Stefnan var tekin á Álftanes.
Við keyrðum þangað og enduðum hjá einhverjum sveitabæ. Þar sem Álftanes sökkaði og var alveg ævintýrasnautt keyrðum við áliðeiðis til Keflavíkur með smá krók til Hvassahrauns. Á leiðinni á Hvassahraun sannfærðist Esther um að við myndum líklegast verða skotnar. Svo hún keyrði út af veginum og upp á þjóðveginn, rakleiðis til Keflavíkur þar sem við fundum ofskreyttasta hús í heimi, holóttasta veg í heimi og sjoppu.

Ég sem sagt sökka í ævintýraleit.

En það þýðir ekki að gefast upp. Ég mun halda leitinni áfram að skemmtilegu ævintýri bara til þess að geta skrifað um það.

Kannski á Akranesi. Hver veit?

Tinna - Leti er lífstíll

Tvöþúsund og sjö

2007-01-01T20:10:00.000Z

Árið búið.

Ég strengdi ekki áramótaheit. Annars yrði ég bara fyrir vonbrigðum með sjálfa mig.

Annars var árið svona:

Fékk bílpróf eftir að hafa fallið smá.

Ég keypti svo fallegan bíl með spoiler, sem hefur bara bilað einu sinni. Þá bíllinn sko.

Ég átti líka afmæli á árinu, en það gerist hvort sem er á hverju ári.

Ég held ég muni ekki eftir neinu öðru.

Jú.

Ég lenti í óskemmtilegu bílslysi og og tveimur ákeyrslum.

Ég færði mig til SKO af því að hringdi svo hress gaur í mig.

Ég held ég hafi hætt og byrjað í sambandi svona fimm sinnum ... og skandalaði smá.

Ég fékk mér göt í eyrun. Aftur.

Ég datt örugglega 365 sinnum sem gerir að meðaltali einu sinni á dag.

Ég blótaði mun oftar.

Ég fór ekki til útlanda en bæti úr því á þessu ári.

Ég ferðaðist ekkert, fyrir utan eina útilegu á Þingvelli.

Ég vann á Hrafnisu og var næstum hætt 365 sinnum en það gerir að meðaltali einu sinni á dag.

Ég var í Kvennó og féll ekki. Ekki einu sinni niður stigann í A!

Ég sagði alltof marga aulabrandara sem ég hló ein að og kannski Esther.

Ég keyrði held ég 12.ooo kílómetra... bara á höfuðborgarsvæðinu, hef ekki einu sinni keyrt í Mosó.

Ég sló mitt persónulega met í að versla.

Ég sló mitt persónulega met í að fara í bíó.

Ég klippti hárið mitt af.

Ég las bara tvær bækur.

Ég tók þátt í ræðukeppni.

Ég bakkaði ekkert á.

Ég keyrði hins vegar yfir mús.

Ég stóð ekki við neinar morðhótanir.

Svo svaf ég inn á milli þessa alls.

En hverjum er ekki sama?

Áramótin voru fín hjá mér ég sprengdi ekkert, alveg eins og ég hafði ákveðið.

Fór upp á slysó vegna Sprite-neyðartilfellis.

Allt saman voða gaman.

....

Spurning um að standa sig betur í blogginu á nýju ári. Er með nýjar pantanir í ævisögunum og svona. Ég dútla mér með það á árinu.

Annars vil ég bara þakka fyrir árið. En nú er komið betra ár. Árið sem maður verður átján ára.

Árið sem Margrét fær kannski bílpróf.

Árið sem ég fer til Ástralíu.

Árið sem ég kannski fæ mér aðra vinnu.

Árið sem Johnny Depp skilur við kerlinguna sína og giftist mér.

Gleðilegt ár.

Tinna - Leti er lífsstíll ársins 2007

Gámamenn

2006-12-29T16:34:00.000Z

Í nótt svaf ég á 65 ára gömlum bedda úr segldúk og spýtu.

Ég svaf á beddanum inni í gámi.

Gámurinn var fullur af mjög svo eldfimum flugeldum.

Ég hef lært að vanmenta rúmið mitt ekki lengur.

En ...

ömm...

Jól og gaman.

Ég er orðin feit.

Svo eru áramót.

Allir fullir með flugeld í hönd.

Ekki ég.

Mér er illa við flugelda.

Held mig við áfengið.

.
.
.
.

Bíllinn er í heilu lagi.

Fyrir utan eitt bensínlok.

Farin að fitna.

Tinna - Leti er lífsstíll

Svona spoilerar bjarga manni bara ekki neitt

2006-12-22T20:09:00.000Z

Það var ekkert búið að koma fyrir bílinn minn grunsamlega lengi.

Hélt ég myndi kannski endast yfir áramótin án þess að lenda í bílaveseni.

En bílaheilladísinn hafði sko annað í huga fyrir SE 923.

Ég var nefnilega að fara í Kringluna. Helmingurinn af þjóðinni var líka að fara í Kringluna. Hinn í Smáralind.

Ég ákvað vera sniðug og fara á efrihæðina á bílastæðinu. "Já Tinna, góð hugmynd" sagði Eva.

Þannig ég keyri upp.

EN!

Það var bílakássa í brekkunni. Ég þurfti að stoppa í brekkunni. Bíllinn komst ekki af stað. Ég var föst. Í brekkunni á bílastæðinu í Kringlunni. 15 bílar fyrir aftan. 15 bílar fyrir framan.

Ég ákvað bíllinn minn skyldi sko drulla sér upp þessa brekki og steig bensínið í botn. Það heyrðist hæsta VRÚMM sem ég nokkurn tíma heyrt. Hann mjakaðist ofurhægt upp. Þegar ég loksins komst upp þá sauð upp úr honum.

Núna er vond lykt í bílnum mínum.

Það var mjög óheppilegt að fá þessa ógeðslegu lykt í bíllinn á þessum tíma þar ég var svo að fara að keyra út gjafir frá Íslensku Auglýsingastofunni allt kvöldið.

Svo bættist veðrið ofan á hrakfarir mínar. Að labba með kassa með sex vínflöskum í óveðri er ekki eins gaman og mann myndi gruna. Ó nei.

Gaman að vera örvhent ég.

Ég er samt búin að ganga frá öllu jólatengdu og bílatengdu. Þannig ég er bara að bíða eftir jólunum.

Reyndar er ég að vinna á aðfangadagskvöld... ætti að vera gaman.

Best að fara að leggjast í sjálfsvorkun.

Tinna - Leti er lífstíll

PS. Þegar ég var að keyra út pakkana sá ég götu sem heitir Bitruháls. Ég ætla að flytja þangað.

Geimurinn minn

2006-12-12T20:00:00.000Z

Ég er búin að eyða drjúgum hluta af deginum í að reyna að botna í MySpace. Skilja hvað það er, hvernig það virkar og hvað maður gerir með svona lagað.

Árangurinn er ekki mikill hingað til. Hagkaupsstjarnan var nefnilega að reyna að sannfæra mig um að dömpa elskulega bláa blogginu mínu og fá mér myspace.

Ég þori ekki. Ég kann ekki.

Annars er ég bara að ekki-læra. Ég kalla það ekki-lær þegar ég er ekki að læra. Ég ekki-læri mikið þessa dagana sem hefur reyndar gert það að verkum að ég hef ekkert að gera þar sem allir aðrir eru ekki að ekki-læra. Fjandans aðrir. Hver þarf þá. Ég bara sef. Hentar mér ágætlega.

Manni hefði kannski aldrei dottið það í hug, en orðin sofa og dagmamma passa ekki saman. En ég er þrautseig og finn mér alltaf leið til að stunda áhugamál mín.

Ég borgaði grumpy manni í bláum samfestingi fyrir að setja nagladekk á bílinn. Grumpy maðurinn í bláa samfestingnum lét mig keyra upp á lyftu. Ekki gaman.

en....

Fór með mjög svo rómantísku vinkonu minni (þú veist hver þú ert) að sjá The Holiday. Myndin var, tjah, þanning mynd að þú bölvar því til fjandans að eiga ekki kærasta eins og Jude Law. Það er að segja karakterinn hans. Ekki alvöru hann, þar sem hann er framhjáhaldari og tík.

Farin að bölva aðeins meira.

Tinna - Leti er lífsstíll

Hvergi óhult

2006-12-07T22:04:00.000Z

Ég hitt landafræði kennarann minn í Nettó. Hann sagði hæ og brosti. Ég varð skelfingu lostin þar sem þessi maður hefur aldrei brosað til mín.

Kannski er hann búinn að sjá að ég fallinn í landafræði og er þess vegna brosandi.

Illmennið.

En núna er ég ekki að læra jarðfræði. Nei það er ég svo sannarlega ekki að gera.
Ég er líka mjög góð í að gera hlutina ekki.
Og á maður ekki að rækta hæfileika sína?

Vitiði hvað?

Bráðum verður fjörfiskurinn minn orðinn eins árs.

Já hann kemur ennþá. Fer aftur. En kemur alltaf aftur. Tussuskapurinn í þessu kvikindi.

Jarðfræðibók má bíta minn rass.

Tinna - Leti er lífsstíll

Je suis paresseux

2006-12-05T14:43:00.000Z

Í gær var mánudagur. Kannski ekki frásögufærandi nema það að á mánudaögum er ég að vinna á Bláa Borðsal á Hrafnistu í Reykjavík. Salurinn er reyndar ekkert það blár. Bara smá. Hann er samt blárri en Stóri Borðsalur þar sem sá salur er ekki vitund blár.

Hugur minn hafði ákveðið að í gær væri ég alls ekkert að vinna. í raun hafði hugur minn áætlað að það væri sunnudagur, þrátt fyrir það að ég hefði fyrr um morguninn farið í landafræðipróf. Landafræðipróf sem ég mun líklega þurfa að taka aftur vegna yfirvofandi falls.

En ég lá upp í rúmi á mínu sunnudagseftirmiðdegi þegar síminn minn hringir sinni ógeðslega leiðinlegu hringinu sem hljómar einhvernvegin svona: Dring, dring.

Ég teki upp símann og sé að á skjánum stendur: Blái salur calling.

Ég hugsa með mér að nú sé andskotans vinnan að hringja til að biðja mig að taka aukavakt. Ég nenni því að sjálfsögðu ekki og er að hugsa um að svara ekki.

En ég geri það samt til að vera ekki þessi svarar-ekki-í-símann-týpan sem allir hata.

Þá tilkynnir yfirmaður minn mér að það sé mánudagur og vaktin mín sé byrjuð.

Mikið djöfull var ég vonsvikin. Búið að skemma sunnudageftirmiðdegi uppi í rúmi fyrir mér. Andskotans.

Annars er ég bara að læra frönsku og bíða eftir því að fara í vinnuna. Ég er samt ekkert að læra frönsku í alvörunni. Ég er að blogga. Svo er ég líka búin að skoða öll önur blogg í heiminum. Og spila leik sem heitir Funny Farm.

Ætla að fara í Funny Farm. Eða éstudier francais....ég sökka, ég veit.

Au revoir.

Tinna - La paresse est un style de vie

Hey Magga! Eftir eitt ár og átta daga geturðu tekið bílpróf. Vá

2006-12-01T19:53:00.000Z

Í dag er fyrsti desember. Nýr mánuður þýðir að ég fæ útborgað. Ég var ekki með miklar væntingar um launin mín, þó aðallega þar sem ég vinn á elliheimili. En þegar ég opnaði heimabankann minn þá gladdist hjarta mitt og sálin hlýnaði. Ég stökk upp í ánægjukasti og hrópaði húrra og vei. hundrað og fokking fimmtíu þúsund fyrir 30% vinnu! Ekki slæmt. Alls ekki slæmt.

Þetta var að sjálfsögðu of gott til að vera satt. Ég hefði mátt vita að heppnin er ekki mín megin frekar en hinn daginn. Þetta var villa og Hrafnista lagði tvisvar sinnum inn á mig. Þetta var illa gert að vekja upp vonir hjá mér um betri tíma. Illa gert.

En annars var Kvennó að vinna, nei fyrirgefðu RÚSTA, Hraðbraut í Morfís. Hún Kristjana mín litla Fenger var þar í broddi fylkingar sem liðstjóri.

Hvað ég er stolt.

Annars eru það bara próf og piparkökur framundan hjá hjá henni litlu Klingenberg.
Í alvöru talað ég verð að athuga hvort ég megi taka þetta nafn upp. Fyrst ég er búin að koma mér upp brynju gegn grimmu einelti.

Og vinnan..... gamla góða illa lyktandi vinnan. Þar verð ég á aðfangadagskvöld. Sjibbý.

Öööö....

Ég ákvað að gerast samkynhneigð og keypti mér skyrtu í samræmi við það. Svo hætti ég við.

Tinna - Leti er lífstíll

Lati eigandinn

2006-11-24T20:43:00.000Z

Lati eigandinn þolir ekki snjó. Bíllinn lata eigandans þolir ekki snjó. Farðu.

Greyið bíllinn, ást lata eigandans, sat fastur í snjóskafli í fjóra daga.

Lati eigandinn nennti ekki að setja nagladekkinn á. Lati eigandinn þurfti að gjöra svo vel að taka strætó.

Lati eigandinn bölvaði mikið.

Lati eigandinn nennir ekki vinnunni sinni. Vinkona lata eigandans sagði "Hey komdu að vinna þar sem ég vinn, þar þarftu ekki að gera neitt"

Lata eigandanum leist vel á það en svo nennir hann ekki að sækja um.

Lati eigandinn nennti ekki að læra frönsku.

Lati eigandinn talaði bara spænsk/dönsku með frönskum hreim í munnlega.

Lati eigandinn veit nefnilega að kennarinn kann sjálfur ekkert í frönsku.

Það eru nefnilega allir heimskir nema hann.

Núna er lati eigandinn að hugsa hverju hann nenni núna. Svarið er frekar augljóst.

Lati eigandinn nennir engu. En það er allt í lagi.

Lati eigandinn ætlar bara að bíða eftir því að snjórinn fari. Þá þarf hann ekki að setja dekkinn á.

Haha segir hann og hlær að heimku allra þeirra sem datt þetta ekki í hug.

Lati eigandinn ætlar í sturtu. Þrátt fyrir það að hann nenni því ekki. Því stundum gerir hann hluti sem hann nennir ekki.

Lati eigandinn botnar ekkert í því afhverju hann gerir það. Afhverju að gera eitthvað sem hann nennir ekki.

Þetta er samfélaginu að kenna hugsar hann. Svo blótar hann. En hann blótar í huganum til að hræða ekki fólk í nánd.

Lati eigandinn er ekki alillur, þótt aðrir haldi því kannski fram.

Lati eigandinn ætlaði að taka þátt í ræðukeppni.

Lati eigandinn nennti ekki að skrifa ræðu. Hann var samt liðstjóri í staðinn. Núna er lið lata eigandans komið í úrslit.

Lati eigandinn sannfærði sig um það væri honum að þakka. En það er líklegast lygi.

Lati eigandinn ætlar að fara núna. Svo þarf hann að biðja bílinn afsökunar og setja rúðupiss á hann. Ólíklegt að hann nenni því.

Leti er lífstíll hugsar lati eigandinn. Kannski ekkert endilega sá besti en þetta er hans lífstíll og hann lifir eftir honum. Honum finnst hann ágætur.

Bless.

Tinna - Leti er lífstíll

Málalagningaskortur

2006-11-07T19:59:00.000Z

Ég hef voða lítið til málanna að leggja þessa dagana.

Jú, nema kannski að ég er ennþá að fá drauma um fjólubláu skóna...

En ég er staðráðin í að kaupa mér fullt að fjólubláum skóm í Ástralíu. Og búmerang handa Bjarka. Búmerang með bandi.

Voða lítið að frétta úr Breiðholtinu. Orðið svolítið gráleitt hérna og ég er búin að skauta smá á bílnum í hálkunni. En það er bara gaman að því.

Ég átti að halda fyrirlestur í skólanum. Mér datt ekkert í hug til að tala um. Ef ég spurði einhvern þá fékk ég alltaf sama svarið: Svefn.

Þannig ég skrifaði um svefn. En þá fékk ég hugmynd.

Ég hélt fimmtán mínútna langan fyrir lestur um örhentni. Sló í gegn.

Komst að því að það eru til búmerangar fyrir örvhenta. Stórkostlegt ekki satt?

Annars var það Eplaballið. Skímó og læti. Ég þoli ekki Skímó. Þooooli þá ekki. Bjöööö heyrist í mér. BJÖÖÖÖ

Ballið var samt fínt. Fyrirpartý líka. Fékk samt of stóran skammt af upplýsingum þar.

En...

Dömur mínar og herrar

Fab 5 eru í kassanum og ég er ekki fyrir framan hann.
Bætum það.

Sjáumst von bráðar.

Tinna - Leti er lífstíll

Tinna punktur is

2006-10-24T20:31:00.000+01:00

Ég fann þá. Eftir langa og krefjandi leit. Og þarna blöstu þeir bara við mér. Svona rétt eins eins og þeir hefðu verið að bíða eftir mér. Andlit mitt byrjaði að ljóma. En það er líka af því ég er svo hvít.
Þeir voru svo fullkomnir. Fjólubláir og fullkomnir. Og hællinn. Hællinn var fullkominn. Ég hljóp að þeim og tók þá í fang mitt. Ó loksins. "Ó loksins" grét ég. Svo leit ég á verðið...

Ég er farin að hemja mig. Ég er líka farin að hemja mig í skókaupum.
Afhverju? Þið gætuð kannski spurt ykkur að því. Af hverju?
Svarið er einfalt: Ástralía.
Það er að minnsta kosti planið. Ég gæti þurft að hætta í skólanum. Ef ég fæ ekki leyfi frá honum. Og hvað geri ég þá. Hrafnista til framtíðar?

Og talandi um Hrafnistu. Það eru komnir heilir sjö strákar þangað. Alveg hreint ótrúlegt. Ótrúlegt segi ég.

Og talandi um ótrúlega hluti.

Ég fór í klippingu. Mér fannst ég líta út eins og japönsk teiknimyndahetja. En ekki lengur. Ég þurfti bara að sofa á hárinu. Þá aðlagaðist það mér.

En annars....

Sögusagnir um Seljaskólafólks endurhitting skal eigi vera sögusögn meir heldur sannleikur.

Og já. Ég mun fara að gráta ef ég verð skilin út undan. Hátt. Og fast.

Núna ætla ég út á Seltjarnarnes. Það er svo Freyja fari ekki að gráta.

Því ég græti ekki fólk. Viljandi.

Tinna - Leti er lífstíll

Ps. Msn kindin mín er týnd. Getur einhver fundið hana?

Tinna hin tvöfalda

2006-10-18T20:42:00.000+01:00

Ég er að verða latari og latari í þessum skrifum mínum.

En það er líka af því að eignaðist tvö ný líf.
Líf eitt heitir Tuttugu og fjórir. Það snýst um það eitt að horfa á Jack Bauer bjarga heiminum, og svo þarf hann ekki einu sinni að sofa. Alveg hreint magnað.

Líf tvö heitir Sims. Það snýst um enduruppgvötun mína á Sims. Núna get ég ekki hætt. Stundum dreymir mig líka um Sims.

Ef ég er ekki í Sims og ekki að horfa á hann Jackie boy, þá er ég mjög líklega að vinna.

Annars var ég velta því fyrir að fyrst Skjár Einn er í svona "endursýnum gamla og hallærislega þætti sem allir horfa samt á og geta ekki hætt að tala um" stuði, hvort þeir ættu ekki taka sig til og sýna mér Baywatch aftur. Ég heimta Hasselhoff í rauðu sundskýlunni hlaupa í slow motion!

En já.

Ég ákvað að fara algerlega út karakter og taka þátt í leikfimitíma á mánudaginn. Ég er ennþá með harðsperrur.

Lexía: Aldrei aftur að brjóta á móti boðorðinu mínu: Leti er lífstíll, minn lífstíll.

Önnur mistök sem ég er búin að gera er að færa mig yfir til SKO. Mér fannst það voða sniðugt og gaurinn sem hringdi og bauð mér þetta var ýkt hress og skemmtilegur. Þannig ég kolféll fyrir honum og skráði mig í SKO. Núna er síminn minn án símaskrár og sambandslaus. Bravó.

Lexía: Ekki trúa helhressa gaurnum sem hringir í þig. Hann er að ljúga.

Sonur Satans.

Annars ætla ég að vera nörd og skella mér á ræðukeppni og hlusta á barnaátsumræðu...

Svo er það hetjan mín, Jack.

Tinna - Leti er lífstíll

Myrkur, eyrnaníðingur, konfekt, bókaflótti, leikhúsflótti

2006-09-29T15:12:00.000+01:00

Þetta hefur drifið á daga Tinnu.

Myrkur?

Ég fór ásamt hálfri borginni upp á Vatnsenda að horfa á myrkrunina. En það kom ekkert myrkur. Það komu samt flugeldar. Þannig þetta var ágætt, nema þegar ég þurfti að labba upp bröttustu brekku Breiðholtsins. Samt eru allir að segja að heimurinn stefni niður á við. Mér finnst ennþá of mikið upp á við hérna.

Eyrnaníðingur

Annars gerði ég eitt hérna um daginn.

Ég tók strætó í skólann. Það var vegna þess að ég átti ekki efni á bensíni. Ég sá samt frekar eftir því að hafa tekið strætó. Bílstjórinn spilaði háværa tónlist, einhver kona að sem var að syngja piece of my heart og svo söng hún ú og je og baby á milli. Það byrjaði að blæða úr eyrunum mínum og ég bölvaði bílstjóranum fyrir þessar eyrnameiðingar, ég bölvaði því líka að hafði ekki hlaðið iPoddinn minn. Ég bölvaði samt ekki upphátt því það hefði litið frekar asnalega út.

Konfekt

Jón gamli á Hrafnistu er staðráðin í því að kaupa konfektkassa handa mér. Það er vegna þess að ég gaf honum melónu og hann varð svo glaður. Ég vildi bara segja þetta því að seinast þegar ég skrifaði um vinnuna mína var ég að segja hvað ég hataði hana. Og þar á undan sagðist ég hafa grætt gamla konu í hjólastól. En ég er ekki bara ill og bitur í vinnunni. Stundum gef ég fólki melónu.

Bókaflótti

Ég átti að lesa bók í ensku. Ég byrjaði á henni og hún er um strák sem er pirraður á öllu og er á móti öllu. Hann hata líka alla. Mér fanst þetta mjög ógnvekjandi. Þetta er eins og ef ég mundi skrifa bók. Alveg eins. Ekkert nema pirr og leiðindi. Elveg eins og ég. Þetta fannst mér allt of spúkí þannig ég hætti strax að lesa. Fékk samt sjö í prófinu úr henni.

Leikhúsflótti

Ég fór í leikhús einhverntíman um daginn. Leikritið rímaði og það var svona væl sem spilaði undir allan tímann. Ég og Freyja ákváðum að laumast út í hléinu. Frekar asnalegt að gera það í leikhúsi, ég veit, en ég borgaði ekki miðann og þá sá okkur held ég enginn.

Ætla Í Sims, búin að kaupa þrjá aukapakka. Gerið endilega grín að mér. Ég er orðin ónæm fyrir því.

Tinna – Leti er lífstíll

Númer 1 á dauðalista Tinnu

2006-09-10T20:28:00.000+01:00

Ég hélt ég myndi aldrei segja þetta um elsku Hrafnistu. En ég hata vinnuna mína út á lífið. Líf mitt snýst um hata og fórnarlambið þessa stundina er Hrafnista.
Ég elska samt krúttlega gamla fólkið sem er alltaf að reyna að brjóta mig niður. Reyndar er allra krúttlegasta fólkið dáið. Þeir vondu lifa lengst. Sem eru góðar fréttir fyrir mig.

Það ætti líka að gleðja ykkur að heyra að enn ein bílslysalaus vika er liðin hjá Corsunni minni kæru.
Hún er reyndar að haga sér undarlega núna. Hún má ekki keyra hægt. Ef hún keyrir hægt fer hitamælirinn á rauða dæmið og það heyrist svona -égeraðfaraaðspringa- hljóð úr henni.

Ég lenti einmitt í því um daginn á Miklubrautinni klukkan fimm. Þá eru allir Íslendingar að keyra Miklubrautina á sama tíma. Ég þurfti þess vegna að keyra ansi hægt.
Hitamælirinn fór á rauða dæmið og -égeraðfaraaðspringa- hljóðið kom. Ég drap á bílnum á afrein á miðri Mikubrautinni og sat þar ásamt Esther í hálftíma. Gaman sko.

Ég hef samt verið að íhuga hvað ég á að nefna bílinn minn. Verður hann ekki að heita eitthvað?
Ég er komin með nokkra valmöguleika.

a) RedMobile (komið frá Möggu)
b) Corsalettan
c) The Seal Mobile (man ekki hvaðan það kom, en áfengi kom örugglega við sögu)
d) Tiny Tin
e) Tóbías

Nú eru busaböllin öll að detta inn. Ég fór að sjálfsögðu á Kvennóballið, fyrsta framhaldskólaball sem ég fer á á lausu. Held ég hafi sjaldan skemmt mér betur.
MR ballið var daginn eftir. Glowsticks og techno, need I say more. Held að ég hafi aldrei séð Esther jafn pirraða og það kvöld.

Ég held að ég fari ekki á fleyri busaböll. Ég er með blöðrur á tánum.

Ég fór í blóðrannsókn um daginn. Bara svona að athuga hvort ég blóðlítil eða járnlítil eða eitthvað. Ég meina það hlýtur að vera einhver alvöru ástæða fyrir því að ég er stanslaust þreytt og hreyfi mig aldrei.

Rangt. Það er ekkert að blóðinu mínu. Þetta var endanleg staðfesting á því að ég er og mun alltaf vera bara löt.

Tinna - Leti er lífstíll

Tinna og Pollýanna?

2006-08-30T17:40:00.000+01:00

Ég sá svona trailer um daginn. Trailer um myndina Snakes on a Plane. Aldrei hef ég hlegið jafn mikið.

Ég var að fá það staðfest í dag að ég er með neikvæðan persónuleika. Alveg varð ég steinhissa. Samkvæmt félagsfræði bókinni minni telst það vera slæmur persónuleiki að vera svartsýnn, fúll og sjálfselskur. Þetta á allt við mig. Ég er ekki sátt við þessa bók og er að íhuga það að bakka yfir hana.

En ég á alveg mínar björtu og glaðlegu og hressu hliðar.

Hér koma til dæmis bjartar og glaðlegar og hressar fréttir.

Það er ekki búið að keyra á mig í alveg heila viku. Það er næstum því met hjá mér.
Americas Next Top Model í kvöld. Hleypum gelgjunni út!
Engin vinna um helgina.
Enginn fjörfiskur í tvo daga.
Engin stærðfræði. Aldrei.

Annars er allt svona frekar mikið á móti mér. Bara eins og vant er.

Ég myndi venjulega skrifa kvörtunarlista en ég nenni því ekki. Kannski næst. Ég er samt að fara að skrifa kvörtunarritgerð í ensku. Ég ætti að vera fær um það.

Tinna - Leti er lífstíll

Endalok sumars

2006-08-23T18:11:00.000+01:00

Sumarið er búið.

Niðurstaða sumarsins 2006

Utanlandsferðir: 0

Útilegur: 2

Útihátiðir: 0

Brjáluð potta- og sumarbústaðapartý: 0

Tónleikar: 0

Bílslys: 3

Áfengisdauðar: 0

Buxur: 2

Bílar: 1

Fjörfiskar: 90

Afskipti lögreglu: 1

Herbergistiltektir: 0

Brúnka: -5

Fólk á “fólk sem pirrar mig listanum”: ca.10

Sund: 1

Samsæriskenningar: 3

Bakkað á: 0

Farið á hestbak: 0

Tívolítæki: 0

Sólbað: 2

Þetta var sumarið mitt.

En núna er ekki sumar.

Skólinn byrjaði í dag. Ég ákvað að prófa það að fara á bílnum. Ég lagði af stað á nákvæmlega sama tíma og strætó. Ég var komin á nákvæmlega sama tíma og strætó. En þá átti ég eftir að finna bílastæði. Það tók ekki langan tíma, fann þetta fína stæði nokkrum skrefum frá skólanum, enginn stöumælir eða neitt. Þarna datt ég í lukkupottinn hugsaði ég.

Þegar ég hugsaði það hefði ég átt að hugsa mig betur um þar sem ég lendi aldrei í neinum lukkupotti. Þetta var engin undantekning því að þegar ég ætlaði að halda heim á leið var blár og hvítur miði á rúðuþurrkunni minni.

Stöðumælasekt gjössovel!

Ég leitaði vel og vandlega að þessum meinta stöðumæli. Fann hann svo beint fyrir framan bílinn minn.

Á morgun ætla ég að taka strætó.

Ég var spurð í vinnunni hvort ég ynni í raun og veru hjá Interpol. Ég neitaði því. Mér var ráðlagt að spyrja þá hjá Interpol samt að því.

Tinna – Leti er lífstíll

Tinna - Eilífðaróheppin/eilífðarörvhent

2006-08-18T20:54:00.000+01:00

Er ég að ýkja þegar ég kalla mig eilífðaróheppna? Nei

Aðeins eilífðaróheppin manneskja lendir í tveimur árekstrum í sömu vikunni.

Já, það var keyrt á mig.

Aftur.

Núna hata ég alla sem heita Ottó.

Ottó keyrði aftan á mig.

Ég var ekki sátt.

Ég blótaði mikið.

Og hátt.

Bíllinn er þó óskrámaður.

Ekki Ottós bíll.

Mér er alveg sama.

Og ég sem var nýbúin að bóna bílinn.

Nýbúin að fá nýjan hliðarspegil.

Ég var í góðu skapi.

Það fékk ekki að endast.

Hættiði að keyra á mig!

Það er pirrandi.

Tinna – Leti er lífstíll

Death to Danska

2006-08-16T13:36:00.000+01:00

Ég ætlaði að setja inn diska á iPoddinn Tinna, en tölvan harðneitaði. Ég held nú ekki hugsaði tölvan og vildi enganvegin gera eins og ég bað.

Ég er komin með hundleið á því að vinna. Get ekki beðið eftir því að byrja í skólanum, eða það hugsaði ég þangað til ég skoðaði bókalistan minn. Þá fór ég að gráta, inn í mér, af því að á yfirborðinu er ég svo mikill badass að ég má nú ekki fara að grenja út af því að ég verð með Danske er Mange Ting aftur í dönsku. Aftur! Sama fokking bókin! Mig langar að deyja.

Þetta alltsaman minnti mig á atriði sem ég sá í Fóstbræðrum.

Það var um sjómann, minnir að hann hafi heitið Manni. Hann var leikinn af sköllótta gaurnum, hvað heitir hann Erlingur eða eitthvað.

En Manni var sko harðasti sjóarinn á Ballarhafi, algert hörkutól. Úff

Skipið hans Manna kom að landi og Manni ætlaði nú aldeilis að fá sér að ríða! Hann fer á næsta kaffihús og byrjar strax að meika múvin á stúlkuna Jenný. Hún hafnar honum og hann vill helst deyja inn í sér. En hann er áfram harður nagli og segir bara “þessar steeelpur maður” Manni sest niður og fær sér að borða. Önnur kona gengur að honum og spyr hvort sætið hliðin á honum sé upptekið. “Elskan mín, fáðu þér sæti og láttu fara vel um þig” segir Manni okkar. Konan segist nú bara ætla fá stólinn í láni og tekur hann. Núna er sjálfsálitið hans Manna í feitum mínus og hann ákveður að forða sér áður en hann fer að grenja. Svo situr hann og saumar með tárin í augunum meðan hann segir sjálfum sér að hann megi ekki grenja því hann sé stór strákur og sjóari.

Manni kemur svo aftur á skipið og félagi hans spyr hvernig hafi gengið. “Djöfull fékk ég mér að ríða, tók svo vinkonu hennar líka. Djöfull var hún ljót, ég þurfti að biðja hana að hafa poka á sér”

Svona leið mér þegar ég sá bókalistann minn, ekki af því að konur vilja ekkert með mig hafa.

Ég þarf að fara að horfa á fóstbræður aftur, ég sakna þeirra.

En eins og var að segja hérna ofar þá er ég komin með ógeð á því að vinna. Aðallega út af samstarfsfólki. Gamla fólkið er frábært, nema sumir eins og kerlingarnar á sjötta borði og konan sem öskrar. Einn gamli karlinn gaf mér meira að segja nammi. Ég borðaði það yfir Miami Vice. Þessi gamli kall er ágætur, ég komst að því að pabbi hans hafi dáið fyrir langa löngu í veiðislysi. Hann var einn að veiða og varð fyrir voðaskoti. Síðan fórum ég og Tinna að pæla hvort karlinn vissi það kannski ekki ennþá að pabbi hans hafi framið sjálfsmorð. Ég meina hver verður fyrir voðaskoti þegar hann er einn að veiða? Já en sumt samstarfsfólk mitt er að gera mig snælduvitlausa (ekki þú Kristjana) Ég er samt farin að taka eina í sátt af því hún segir alltaf “Nei, þú sitja. Ég vinna!” Ég mótmælti henni ekki.

Ég er svona að spá hvort þetta fari ekki að verða gott í bili.

Segjum það.

Tinna – Leti er lífstíll

Death to Pétur

2006-08-11T12:18:00.000+01:00

Einhverstaðar á landinu býr drengur sem ber nafnið Pétur. Eða hann sagðist heita það, en hver veit, kannski skammast hann sín svo hrikalega fyrir sitt raunverulega nafn að hann sagði mér að hann héti Pétur. En ég ætla allavega að láta hann heita Pétur.

Pétur er dökkhærður og keyrir stóran jeppa. Ég kynntist honum Pétri á Seltjarnanesinu þegar hann ákvað að keyra á mig á jeppanum sínum. Ég þoli ekki þennan Pétur.

Nú er litli sæti Opelinn minn ekki með hliðarspegil lengur. Takk Pétur.

Jebb þið lásuð rétt út úr þessu, ég lenti í fyrsta árekstrinum mínum. Ég var í fullkomnum rétti. Kannski hélt samt Pétur að hann væri það líka. Ég meina kommon hann var á jeppa og þá er alveg sjálfsagt að keyra yfir okkur smábílafólkið. Ekki satt?

Ég veit að það er nokkuð mikið langt síðan ég bloggaði seinast en það er sumar og ég ætla nota það óspart sem afsökun.

Maður myndi halda að því lengur sem líður á milli blogga því meira hefði ég að segja, en svo er það víst ekki. Ég er búin að steingleyma öllu. Nei í alvöru ég var að reyna hugsa hvað ég gerði í fyrradag og ég man það ekki.

En ég fór í bíó í gær. Miami Vice .... je

Og svo keypti ég mér tölvuleik þegar ég fékk útborgað. Mér fannst ég eiga það svo innilega skilið þannig ég brunaði í BT og keypti eitt stykki Sims 2.

Ég hef bara fengið eintóm hneykslunaraugnaráð frá fólki þegar ég segi því þetta. En ég er stoltur Simsari, þannig látið mig vera.

Alveg rétt, ég fór í útilegu með múttu og siss. Hún var mikil svaðilför og ekki fyrir hvern sem er þar sem við mæðgunar erum hinir mestu útilegugarpar og köllum sko ekki hvað sem er ömmu okkar.

Stutt ferðasaga.

Miðvikudagur:

Keyra – Akureyri – Nettó –Vaglaskógur –Tjaldað -Gist þar

Fimmtudagur:

Vaknað - “Hvað í fjandanum gerir maður í útilegu? – Akureyri – Versla – Bolur – Sólgleraugu – Stóll - Subway – Keyra – Dalvík – Ís - Keyra – Einbreið göng – Siglufjörður - innilokunarkennd – Keyra - Hofsós- Tjalda?- Nei, ekkert tjaldstæði – Keyra – Sauðárkrókur - Tjalda? - Nei, ljótt tjaldstæði – Keyra – Skagaströnd – Rock Star – Gista hjá Ölmu

Föstudagur:

Vakna – Keyra – Blönduós – Amma – Ríkið – Kaffihús – Kaka – Amma – Steik – Södd – Keyra – Skagaströnd – Horfa á mynd – Rúnta á Hondu – Ekki Civic - Meira rúntað – Gist hjá Ölmu

Laugardagur:

Vakna – Keyra – Blönduós – Amma – Bæ – Keyra – Hvanneyri – Keyra – Reykjavík

Þetta var hin mikla útilega í stuttu máli.

Ég ætla ekki að hafa þetta lengra. Ætla að setja geisladiska inn á iPoddinn..... Nick Cave og svona meira skemmtilegt.

Djöfull sé ég eftir því að hafa ekki keypt mér miða á tónleikana.

Tinna – Leti er lífstíll

Úr hinum og þessum áttum

2006-07-25T20:31:00.000+01:00

Ég var vakin í morgun. Miðaldra systir mín sagði mér að koma að versla með sér. Ég að sjálfsögðu reif mig á fætur og fór með.

En mig grunaði ekki að ég hafði verið blekkt. Erla mútaði mér með smákökum og fór svo með mig á Hagstofuna þar sem við stóðum í röð í klukkutíma. Ekki mín hugmynd um verslunarleiðangur. Svo upp í Smáralind að skoða myndavélar ...

Vúúúhúúú

Þetta var kannski fyrir bestu þar sem ég eyddi þá engum pening.

Fór að heimsækja Magga Dan í gær ásamt Lindu... Við flúðum stuttu seinna vegna ógvekjandi kossa- og sleikjihljóða frá honum og kærustunni. Mjög mannskemmandi lífsreynsla.

Það er mánuður í skólann. Ég er að deyja úr tilhlökkun. Ég verð ekki busi. Ég veit samt að viku eftir að skólinn byrjar verð ég farin að telja niður í jólafríið.

Rokkstjarnan í kvöld. Ég titra af spenningi. Okkar maður ætlar að syngja David Bowie held ég. Ég fæ ennþá svona kjánahroll við að sjá Magna þarna.

Engin óhöpp varðandi bílinn. Nema það að það munaði engu að strætó keyrði inn í hliðina á mér. En rétturinn var minn. Strætó er fífl. Death to Strætó!

Það var gömul kona í vinnunni sem spurði mig hvað ég héti. Ég sagðist heita Tinna, sem var sannleikurinn. Þá fór hún að telja upp allar Tinnur sem hún þekkir. Hún gerir þetta næstum á hverjum degi. Næst ætla ég að heita Andrésína.

Sturtan mín er biluð. Hún brennir af manni holdið. Þannig ég ætla í bað. Mér þykir vænt um holdið mitt.

Sumir ættu ekki að eiga bifreið

2006-07-19T19:18:00.000+01:00

Og áfram heldur sú örvhenta að vera vangefin þegar kemur að því að eiga bíl.

Þetta byrjaði allt á mánudaginn.

Ég kem heim um morguninn eftir að hafa gist nóttina hjá henni Freyju, sem er staðgengils loverinn minn meðan sumir eru í labbitúr á Kárahnjúkum... Ég sem sagt drep á bílnum og opna húsið mitt með lyklunum mínum og hendi þeim svo á kommóðuna mína góðu.
Hálftíma seinna ætla ég svo á bókasafn með móður minni. Ég tek lyklana af kommóðunni og viti menn, bíllykillinn horfinn!
Ég leita og leita en lykillinn er gufaður upp. Húslyklarnir eru þarna, en bíllyklarnir hurfu af kippunni.
Dularfullt ...
Þetta var samt allt í lagi þar sem ég á nú aukalykil og ég fór á bókasafnið.

Svo á þriðjudaginn sem er þá dagurinn á eftir mánudeginum þá ákveð ég að fara með hana Kristjönu litlu Fenger í ísbíltúr. Við förum upp í Skeifu í ísbúðina þar. Þegar ég er stigin út úr bílnum og búin að læsa og allt uppgvöta ég mér til mikillar skelfingar að bíllykilinn er inni í bílnum. Og enginn aukalykill eftir.

Það ættu að vera einhverskonar verðlaun fyrir fólk eins og mig.

Pabbi reyndi að brjótast inn í bílinn í dag en hann er nokkuð vel brotheldur, enda er enginn ruslarabíll þarna á ferðinni.

Pabbi hringdi þá í neyðarþjónustu fyrir svona atvik. Ég fékk spjald frá þeim, þeim grunaði örugglega að ég yrði reglulegur viðskiptavinur.

En já niðurstaðan úr þessu bloggi er sú að ég er fífl. Bravó!

Hey já, svo var ég að keyra án ökuskírteinis í fyrradag og þá er löggan akkúrat að stöðva alla á götunni. Mér tókst að svegja framhjá. Æsispennandi lögguaction. VÁ

Spurning hvort maður skelli sér í heimsókn til Margrétar fórbrotnu. Eða að ég fái mér túnfisksalat.... hmmm

Tinna – Leti er lífstíll

Í dag er mánudagur, en ekkert Lost

2006-07-17T19:41:00.000+01:00

Ég fór á bókasafn áðan og tók mér bók, komin tími til.

Ég fór svo í klippingu. Núna er ég ekki með neitt hár lengur. Okei smá, en ekki mikið. Ég fæ áfall þegar ég vakna á morgun og lít í spegilinn.

Og alltaf held ég áfram að vera fyrirmyndarökumaður.

Dæmisaga:

Ég var að bíða á beygjuljósi hjá Kolaportinu. Ég bíð og bíð. Svo bíð ég meira. Græna ljósið kemur loksins og ég tek mína fögru vinstri beygju. Þegar ég er svona hálfnuð mér beygjuna sé ég að ég er að stefna inn á vitlausan vegarhelming. Ég ákveð að það sé skynsamlegra að halda sig hægra megin, þrátt fyrir það að mér finnist vinstri hliðin mun skemmtilegri. Ég beygi snögglega og viti menn, keyri á kantinn á umferðareyjunni. Dekkið mitt sprakk.

Gullstjarna handa Tinnu.

Þetta endaði þannig að Pabbi hennar Freyju skipti um dekkið, en bara af því ég var í nýjum fötum. Annars hefði ég örugglega getað það........

Núna ætla ég að gæða mér á Skógarsveppasúpu.

Tinna – Leti er lífstíll

The hidden Tinna

2006-07-11T17:58:00.000+01:00

Bíllin minn ástkæri er orðin gangfær og nú get ég tekið gleði mína á ný.

Bjarki átti afmæli um daginn – Til hamingju

Kristjana líka – Til hamingju líka

Esther komin á nýjan hvítan Póló - Hmmmm? Til hamingju

Ég er farin að fela mig ýtrekað í vinnunni núna.

Ég fel mig fyrir konunni sem er alltaf að grátbiðja mig um að fara með sér á klósettið.

Ég fel mig fyrir karlinum sem er alltaf að biðja mig um að hella einhverju gumsi upp í sig.

Ég fel mig fyrir konunni sem er alltaf að fikra sig nær mér og biðja um hjálp.

Ég fel mig fyrir hinu alræmda “sjötta borði”

Ég fel mig fyrir samstarfskonu minni sem er alltaf að reyna að gefa mér eitthvað, núna seinast kom hún með poka af fötum. Þá hljóp ég í burtu. Síðan frétti hún að ég væri komin á bíl og núna bíður hún alltaf út á bílastæði eftir mér. Ég vil vera ekki vinkona þín. Get the hint!

Annars er fínt í vinnunni.

Þetta lítur kannski út eins og ég sé illmenni sem vill ekki aðstoða aldraða, en þannig er það ekki. Ég má ekki aðstoða aldraða. Ég vinn við að leggja á borð.

Það er frekar óþægilegt að neita fólki um aðstoð, sérstaklega þegar það fer að gráta. Já, ég grætti einu sinni gamla konu í hjólastól. . . Þess vegna fel ég mig, eða þykist vera upptekin og geng rösklega fram og til baka.

Helvíti bíður mín.

Öll famílían farin á Egilstaði eða guð má vita hvert, þannig ég er ein og yfirgefin. Yfirgefin og svöng. Og fötin mín eru búin. Mammaaaaaaa

Ég man ekki hvort ég er að fara í klippingu á mánudegi klukkan tvö eða fimm eða til tannlæknis, eða hvort það var á föstudeginum sem klippingin er og þá tannlæknirinn á mánudeginum. Ég er örvhent.

Tinna – Leti er lífstíll

2006-07-04T19:52:00.000+01:00

Það líður alltaf lengra og lengra á milli blogga hjá mér, en það mun líklega ekki lagast fyrr en í september.

En aðalfréttin hjá mér er sú að ég er að ég keypti mér Opelinn. Hann er bara smá bilaður, en það er allt í lagi, það er bara svolítið vandasamt að koma honum í gang ...

Annars er ég ekkert búin að afreka, sem kemur reyndar ekki mikið á óvart.

Er bara búin að vinna og horfa á Prison Break í rigningunni. Er ekki alveg að fíla þetta “sumar” í botn. Eins gott að þetta lagist um helgina, annars ætla ég að skrifa veðurstofunni hótunarbréf.

Ég er búin að eiga bílinn minn í níu daga og er ennþá ekki búin að bakka á. Og ég er örvhentur kvenmaður. Spáiði í því.

Reyndar held ég að ég sé búin að hræða líftóruna úr Magga nokkrum Dan með því að líta á dökkdökkappelsínugult ljós jafngyldi grænu, sem það gerir. Ekki satt?

Best að hoppa í brúsabað áður en Gilmore Girls byrjar. Það er er brjálað spennó. Rory var á deiti með einhverjum en svo var hún ekkert hrifin af honum, heldur hinum gaurnum sem er geðveikt asnalegur. Afhverju Rory, Afhverju?

Tinna – Leti er lífstíll

Titillaust

2006-06-24T22:08:00.000+01:00

Það kom sumar.

Og til að halda áfram með skemmtilegar fréttir þá er ég búin að finna bílinn minn. Svona ólmóst.

Opel Corsa. Þýskur gæðingur. Ef allt gengur eftir áætlun ætti ég að vera komin á hann eftir helgi.

Ég er smá á eftir á eftir áætlun með þetta en einkabílstjórarnir mínir hafa staðið sig ágætlega í skutlinu hingað til.

Annars veit ég ekkert hverju ég á að drita hérna inn á. Ég er bara svona að láta vita af mér. Ég hef ekki haft samskipti við allt of marga, allt of lengi ... Hálf skammast mín fyrir þetta. Verð að bæta úr því og bjóða vanræktum vinum í ísbíltúr.

Ég er ekkert búin að afreka. Hef ekkert að segja. Ég er ekki einu sinni búin að vera að vinna það mikið. Ég bara sef, sem er svosum ágætt. Það hefur reyndar þann ókost að ég hvítari en nokkru sinni fyrr, og er þá mikið sagt. Fólk þarf að píra augum þegar það talar við mig til að fá ekki ofbirtu og gamla fólkið í vinnunni heldur að ég sé engill. Svo hvít er ég.

En dömur mínar og herrar, ég stend samt uppi sem, sigurvegari í taninu. Því hafið ekki heyrt það? Hvítt er hið nýja tan. Ég hef ákveðið að koma því af stað. Þannig passið ykkur á því að vera ekki of mikið í sólinni, það er ljótt að vera brúnn. Oj bara!

Vampírur og Gotharar eru inn!

Bless.

Tinna – Leti er lífstíll

Og þeir hleyptu henni loks í umferðina, þvílík fífl

2006-06-13T18:53:00.000+01:00

Það gæti farið að líða lengra á milli blogga hjá mér vegna sumars. Sumar hefur þær afleyðingar að ég nenni ekki að vera í tölvunni.

Ég veit að hljómar ótrúverðulegt að ég skuli ekki nenna að vera í tölvunni, en þanig er það nú víst. Svo hef ég vinnu líka sem heitir Hrafnista.

Ég gleymdi samt að fara í vinnuna á afmælinu mínu og stimpla mig inn til að heyra afmælissönginn úr stimpliklukkunni. Nú þarf ég að vinna þarna í annað ár til að ná þessu markmiði mínu.

En stærsta fréttin þessa dagana er að ég er komin með bílprófið langþráða. Ég hef samt engan bíl, en ég lít á það sem örlítið smáatriði. Bara smá galli. En bílaleysið ætti að heyra sögunni til innan skamms.

Annars er ég ekki búin að gera neitt nema að sitja. Sitja það mikið að rassinn á buxunum mínum er að breytast í nælon. Ég á bara einar buxur eftir. Allir rassar farnir. Ég sit of mikið er mér sagt. Þannig ég ligg þá bara.

Kannski ég fari bara núna að liggja. Liggja og hlusta á Modest Mouse.

I like.

Tinna – Leti er lífstíll

The bitter end

2006-06-06T20:16:00.000+01:00

Ég er bitur. Ennþá.

Ég er nokkuð viss um allir viti afhverju ef ég þekki mitt fólk rétt.

Litlu örvhentu Tinnu tókst að falla á bílprófinu sínu. Ég var búin að keyra mínusalaust próf (ég gleymdi stefnuljósi þegar ég bakkaði ím stæði, sem tókst annars 100%) svo á leiðinni til baka upp í Frumherja skipti ég um akrein vitlaust og er fallin.

Ég er bitur.

Ég má vera bitur.

Ég hef allan rétt í heiminum að vera bitur.

Ekki efast um biturleika minn.

En ef ég lít á björtu hliðanar er ég umkringd einkabílstjórum.

En ég er samt bitur.

Ætli hann hafi fattað að ég sé örvhent, þessi nasista prófdómari? Afkomandi Hilers og djöfulsins.

En það er sumar, þannig ég er svona í tiltölulega góðu skapi. Ég var nefnilega í fríi í dag. Mér finnst gaman að vera í fríi.

Svo er ég í þriggja daga fríi um helgina, sem ég á fyllilega skilið eftir að hafa unnið í 26 tíma seinustu helgi. . . hálfveik. Böh

Það hefur nefnilega alveg sína kosti að vera í hálfu starfi.

Meira frí.

Og hvað táknar meira frí?

Meiri svefn!

Mmmmmmmmmmmmmm svefn.

Þar er enginn á móti mér. Þar ræð ég ríkjum. Þar er enginn fjörfiskur. Engir nasistar. Engir smákrakkar.

Bara ég og Johnny Depp . . .

Tinna – Leti er lífstíll

(!)

2006-06-02T20:37:00.000+01:00

Þetta var ömurlegur dagur.

Ég er farin að

a) Drekkja mér í Andapollinum

b) Grafa mig lifandi

c) Hengja mig í iPod snúrunni minni

Bless vondi heimur, þú varst ekki gerður fyrir örvhent fólk. Mér er alveg sama, ég vil þig ekki heldur.

Tinna – Leti er lífstíll

Eldri og vitrari

2006-05-31T15:22:00.000+01:00

Í gær varð ég tjáningur. Ég varð sautján ára.

Ég er ekki komin með bílpróf, en ég tek það á föstudaginn og mun vonandi ná því. Örvhenta genið í mér lætur mig stundum keyra vinstra megin. Það gæti orðið vandamál í prófinu.

En!

Afmælisgjöfin sem vann árið 2006 er . . . . . . . .

Rúðuvökvinn frá Ásgerði og Margréti. Það er samt ekki of seint að gefa mér afmælisgjöf og toppa þetta.

Svo þarf ég að fara að fjárfesta í bíl. Ég fékk mun meira útborgað en ég átti von á og kannski get ég bara keypt mér bíl núna, en ekki í júlí.

Það er frábært að vera ég í dag.

Til að toppa sæluna, þá er hreint í herberginu mínu. Það glansar. Og parketið sést.

Nú þarf ég bara að fara að versla af mér rassgatið. Og kannski læra smá, svo ég falli ekki á munnlega prófinu.

Maí er svo sannarlega bestastur, og sætastur. Ef ég ætti kött myndi ég nefna hann Maí .... eða Hildigunnur.

Farin að vera glöð.

Tinna – Leti er lífstíll

Gremja

2006-05-26T16:52:00.001+01:00

Allt í lagi bara.

Myndalinkurinn ákvað að hann hefði eitthvað betra að gera annarsstaðar og fór. Barasta hvarf eins og Sylvía Nótt eftir tapið mikla.

Ég nenni ekki að setja þetta aftur. Ég harðneita að setja þetta inn á aftur.

Hinu bóklega ökuprófi er náð. Með einni villu. Heimskulegri villu. Viljiði dæmi um hinar miklu þrautir á þessu prófi?

Hvert skal hringja ef þú kemur að slysi?

a) 212

b) 112

c) 211

(svar er neðst í bloggi)

Ég fór svo í ökutíma á miðvikudaginn. Ég ætti ekki að keyra. Það er stórhættulegt fyrir mig. Ég kann ekki að keyra.

Er það vegna þess að ég er örvhentur kvenmaður?

Þessi kúpling hatar mig. Gírstöngin er bandamaður kúplingarinnar og saman vinna þau að því að gera líf mitt leitt. Og Óli bara hlær og býður mér Smint. Er ég andfúl líka? Svona til að toppa þetta allt.

Eftir þennan hörmulega tíma, ákveð ég samt að leggja ekki árar í bát og stefni í annan tíma á föstudaginn.

Það var áðan.

Ég er ennþá ömurlegur bílstjóri. Ég hata þessa Pusjóa...

Það er allt Frakklandi að kenna að ég kann ekki að keyra! Ömurlegur Frakkar með sinn ömurlega hreim.

Er ég eitthvað búin að minnast á að ég á afmæli á þriðjudaginn? Ef ekki, þá á ég afmæli þá. Peningagjafir eru þegnar með þökkum, því að ég neyðist víst til að fresta langþráðum bílakaupum um mánuð vegna fjárskorts. Þessir Frakkar, djöfullinn hafi þá!

Ég er farin að trampa á franskri orðabók.

Tinna – Leti er lífstíll

(svar: B – 112)

Dreifbýlisblogg

2006-05-21T19:08:00.000+01:00

Ég ákvað að leggja land undir fót og skella mér norður í blíðuna.

Ég ásamt systur Erlu fórum á Blönduós, það er fyrir norðan. Þessi blíða þarna reyndist svo vera hríð.

En við létum ekkert stöðva okkur og héldum þetta dúndur Eurovisionpartý með ömmu okkar.

Ég komst reyndar að því að það getur reynst varhugavert að vera of lengi úti á landi. Einkenni sem ég hef tekið eftir er til dæmis að tímaskyn hverfur, þú veist ekki lengur hvaða mánuður er, einnig gleymir maður hvernig það er að halda á dagblaði og öll stafsetningarkunnátta er á bak og burt.

Ég er samt ekki komín í siðmenninguna enn. Ég er að skrifa þetta frá Hvanneyri, þar sem systir Erla stundar nám sitt í fjósi.

Þetta er örugglega í fyrsta skipti sem ég er sátt við úrslitin í Eurovision. En ég hef hins vegar misst allt mitt álit á Hollendingum. Þeir gáfu Tyrkjum 12 stig. Þessu ógeðslega Superstar lagi sem ég vildi gjarnan æla yfir.

Greyið Holland...

Og greyið Litháen...

En ég ætla að fara að gæða mér á Hvanneyrskum grænmetisrétt.

Tinna - Leti er lífstíll

Nýtt, splunkunýtt

2006-05-17T14:43:00.000+01:00

Já, ég eyddi næstum öllum gærdeginum í aðsetja eitthvað nýtt hérna inn á. Bara því ég þurfti að læra dönsku, sem ég gerði ekki.

ÞVÍ BLOGGIÐ GENGUR FYRIR!

Reynið að finna þetta nýja. Ég er viss um að þið getið það ekki.

Spurning um að gera fleiri linka svona, eða hafa bara myndalinka þarna ???

En hey, ég er komin í sumarfrí. Ég er meira að segja komin í það mikið sumarfrí að ég er orðin brún.

Okei, ekki brún .... minna hvít.

Svo er skriflega brummaprófið eftir viku. Jehh

Mér ætlar bara að takast að ná öllum markmiðum. Vonandi. Ef ég fell ekki í neinu.

Tinna - Leti er lífstíll

úmph

2006-05-16T13:55:00.000+01:00

Ég hef verið að spá í að setja eithvað nýtt inn á þessa blessuðu síðu. Ég veit ekki hvað. Það kemur sér ekki vel.

Ég hef tekið eftir því hvað langflestar bloggsíður eru með.

Ég gæti sett inn WebCam flipp. En vandamálið er að ég á ekki svona webcam dæmi. Mér finnst það reyndar ekki vandamál. Ég hef aldrei fundið þá þörf að láta fólk á sjá mig meðan ég er í tölvunni. Fólk getur bara komið í heimsókn og skoðað mig. Ég get snúið mér í hring fyrir ykkur og allt.

Ég þurfti allavega að gera það fyrir stórfjölskylduna hans Magga þegar ég kom fyrst heim til hans. Þau er voða vandlát á kærustur fyrir syni sína. En ég slapp í gegn.

Annað sem ég gæti sett inn eru myndir. Það virðast allir vera með myndir inn á síðunum sínum. En þá spyr ég sjálfa mig: Mun mér einhverntíma takast að verða eins og hinir. Þessir 'allir'

Ég á reyndar myndavél. En það eru bara fimm myndir inn á henni. Af háhýsi í Kaupmannahöfn. Ég hef ekki einu sinni farið þangað.

Annað sem allar bloggsíður eru með er svona Um mig. Þá segir fólk frá sjálfum sér. Mér finnst reyndar mjög gaman að segja frá sjálfri mér og tala ég oftar en ekki um mína yfirþyrmandi fegurð, þá sérstaklega á morgnana. Þá er ég sætust og alltaf í góðu skapi.

Flestir sem eiga einhverja vini eru með þá inn á síðunni sinni. Það er til þess að sýna að maður er ekki einhver sad manneskja sem gerir ekkert að hanga á blogginu sínu. Ég á mér líf.

Smá.

Ég er allavega með þannig, kalla það ævisögur. Kannski ert þú þar.

Ástæðan fyrir því að þetta eru ævisögur er sú að fyrir langa löngu þegar ég og Ásgerður byrjuðum með blog.central.is/tisa þá voru svona Vinir & vandamenn linkur þar. Og þar skrifuðu allir nokkrar línur um sína nánustu.

Eins og...

Pósturinn Páll '89' Póstskólinn

Ég kynntist Póstinum Páli í Póstskólanum og hann er sko geggjaður vinur minn. Elska hann í tætlur. Hann á líka ógó sætan kisa Mwahh :* :* Lovya (K)

Okkur Ásgerði datt í hug að gera bara heila sögu um allt fólkið, hvort sem það er skáldskapur eður ei. Það varð reyndar þannig að Ásgerður var ekki alveg með metnaðinn í þetta þannig ég gerð nú flestar ævisögunar. Hún á kannski eina eða tvær.

Auðvitað má ekki gleyma slúðrinu það hafa nú langflestar síður. Þá getur maður fylgst með því helsta sem var að gerast.

*-Pósturinn Páll heitur með einhverri gellu um helgina.-*
*-Kötturinn Njáll hættur með Kisunni-*

Það er yfirleitt í þessum dúr hefur mér sýnst.

Ég gæti líka hent inn svona mánaðarins til að vera í takt við tímann. Það er maður með svona foli mánaðins og gella og nörd og hneyksli eða eitthvað.

En það sem ég hef aldrei séð á neinni síðu er Svefnklúbbslinkur nema hjá mér. En mig langar svolítið að gera eitthvað nýtt hérna.

Kannski er það samt bara vegna þess að ég á að vera að læra undir dönskupróf.

En endilega komið með tillögur. Mér leiðist. Vantar eitthvað að gera.
Plís.

Tinna - Leti er lífstíll

Þar skall hurð nærri hælum

2006-05-15T14:34:00.000+01:00

Ég lenti í frekar óskemmtilegu atviki á föstudaginn síðastliðinn. Ég, Esther, Linda og Maggi Ben vorum á leið okkar upp í Heiðmörk á Polonum hennar Estherar. Við erum nýkomin inn í Heiðmörk. Malbik endar. Lausamöl. Bíllin lendir í holu á veginum. Missum stjórn á bílnum. Veltum tvær og hálfa veltur út af. Áts.

Frekar scary sko.

Svona leit greyið Poloinn út eftir þessi ósköp...

Mjög góð tímasetning, þar sem ég er að fara að taka bílprófið mitt. Ætti maður bara að hætta við þetta allt saman? Neee

Ég hef það bara á bak við eyrað að fara mjög gætilega á malarvegum. Og þið hin vonandi.

En já, ég mun taka skriflega prófið þann 24.maí kl.11:00 ... og vonandi næ ég því.

En ætla að fara að njóta þess að vera á lífi ... með því að sofa.

Tinna - Leti er lífstíll

Leti er hollur lífstíll

2006-05-10T13:42:00.000+01:00

Og enn halda prófin áfram. Þrjú búin, þrjú eftir. Síðan hið mikilvæga. Bíll.

Ég er að fara að sækja um ökuskírteini í dag. One step closer.

Annars er ég alltof lítið stressuð fyrir þessi próf. En ég veit ástæðuna. Því ég er það klár að ég þarf ekki að hafa áhyggjur. Neeei. Það er vegna þess að leti dregur úr streitu og kvíða. Það stóð í Mogganum. Á forsíðunni sko. Leti sögð vera holl, þetta stóð með stórum og skýrum stöfum. Svart á hvítu. Og hana nú.

Ég hafði rétt fyrir mér allan tímann. Það er hvorki óhollt né heilsuspillandi að vera latur.

Ég er ekki búin að taka mynd á myndavélina mína. Vill einhver verða módel fyrir mig?

Ég tók góða ákvörðun í gær. Ég ákvað að læra ekki og fara að versla. Sé ekki eftir því. Eyddi mikið af dýrmætum pening. En það er allt í lagi, er svo rík.

Ég ætla að borða snúð núna.

Tinna - Leti er lífstíll

Mills of Satan

2006-05-09T12:27:00.000+01:00

Í dag er gott veður, en ég er viss um að enginn hefur getað notfært sér það vegna prófa.

Ég var í söguprófinu mínu í gær. Ég er ekki aðdáandi númer eitt eftir þetta próf. Hérna er dæmi um spurningu:

Myllur satans:___________________________________

Þetta vissi ég ekki. Ég á annaðhvort eftir að rétt falla, eða rétt ná. Það verður mjótt á munum.

Til að bæta mér þessi ósköp upp lýsi ég því yfir að dagurinn í dag er frídagur. Ég ætla að versla. Mikið. Og svo aðeins meira.

Og fara í passamyndatöku, var að fatta að ég vil ekki hafa mynd frá því í 8.bekk á ökuskírteininu mínu.

Önnur upgvötun: Þegar maður er með stutt hár, svona eins og ég, þá á það mun auðveldara með að standa beint upp í loftið. Þess vegna vaknaði ég með lóðrétta hárgreiðslu.

Ég á ennþá fjögur próf eftir. PUH

Ég var inn á gömlu síðunni minni áðan. Svo sá ég allt í einu að tvö neðstu bloggin mín eru með 90 skoðanir. Mæli með því að þið lesið þær, mjög áhugavert.

Hey, konan í vinunni skildi eftir spennurhanda mér. Þær eru í öllum regnbogans litum, og úr plasti. Nokkuð svekkt með bolinn samt, fékk engan.

Gone versling.

Tinna - Leti er lífstíll

Svarið við alheimsvandamálum fundið: LETI

2006-05-07T22:23:00.000+01:00

Getiði hvað, kæra einmanna fólk sem hefur ekkert betra að gera en að lesa þvæluna sem veltur upp úr mér og ætti kannski bara að eignast líf svo yrði ekki eins sorglegt og ég er orðin.

Ég er búin að eignast mína fyrstu myndavél, sem er sko diggital og allt! Það kemur sér án efa mjög vel þar sem ég meðlimur ljósmyndanefndar Kvennaskólans í Reykjavík, Menntaskóla við Fríkirkjuveg árið 2006-2007.

Ég var að læra í sögu áðan og það er slatta mikið sem gerðist þarna í den. Og þarf helst að kunna þetta allt. Byltingar og stríð út um allt.

Pælum aðeins í því ef fólk hefði getað meðtekið boðskap Tinnu þarna. Ef ég gæti farið aftur til ársins 1789 og sagt við þarna frönsku helvítin "Leti er lífstíll" Ég hefði auðvitað þurft að segja það á frönsku því að sjálfsögðu myndu þessir frönsku uppreisnaraular ekki hafa skilið orð af því sem ég segði og horft á mig eins og ég væri fáviti, svona eins og þeir voru.

En já, ef þeir hefðu fattað þetta þá hefði ekkert gerst, ég veit allavega að ég hefði nennt í stríð.
Ef fólk fer eftir boðskap mínum verða engin stríð. Þar af leiðandi þyrfti ég ekki að læra um þessi stríð, og þá væri ég ekki eins pirruð og ég er núna.
Allur heimurinn gæti bara legið í sólbaði og sötrað djús eða appelsín eða eitthvað.

Svo til að leysa stærðfræðivandann.

Ef, enn og aftur, fólk hefði fattað að leti er hinn eini lífstíll, þá hefðu þessir menn ekkert nennt að vera að finna upp einhver lögmál. Píþagóras lægi bara í góðu tjilli í hengirúminu sínu.

Af hverju er ég ekki alheimsforseti? My day will come!

Ég er að vinna með konu um daginn sem gaf mér blikkandi Bangsímon farsímaskraut. Það er svona drasl sem maður á að hengja á símann sinn. Mitt blikkaði sko, og ég gat líka valið hvort ég hefði Bangsímon, Grísla, Tígra eða Asnann. Ég var svo aftur að vinna með konunni í dag, ég lagði símann minn á borð eitt þarna. Hún leit á símann og spurninganar veltust upp úr henni.

Þú ekki hafa á síma? Ekki flott? Afhverju ekki á síma? Blikka! Party, party!!!

Ég sagði að Bangsímon og co. hefðu bilað. Hún skildi mig ekki.

Vandræðalegt ....

Ég held hún ætli að gefa mér spennu eða bol á morgun, ég skildi hana ekki alveg nógu vel.

Ég verð að fara að setja samhengi á bloggin mín.

Tinna - Leti er lífstíll

ditten og datten

2006-05-05T14:58:00.000+01:00

Ég var í prófi áðan. Nú á ég bara öll hin eftir. Svo fer ég á ball. Ballið verður í Versölum. Þangað fór ég á árshátíð Seljaskóla. Ég var einu sinni í Seljaskóla. Þá fannst mér ógeðslega gaman að labba eftir grindverkum. Mér fannst líka gaman að skríða undir þau. Samt aðallega þegar það var snjór. Síðan hætti ég þessu bara. Varð of cool eða eitthvað.

Svo er Eurovision. Og hitt Eurovision. Sylvía Nótt er fífl. Og líka smá pirrandi.

Síðan á ég afmæli. Þá verð ég 17 ára. 17 er fín tala. Ég mun senda gjafalista á ykkur öll.
Ég ætla líka að fá köku. Og helst kerti. Og fara í leiki. Í grænni lautu eða eitthvað. Ég ætla líka að kaupa boðskort. Svo kaupi ég Turtles pappírsdúk og diska. Eða Gosa. Ég er ekki búin að ákveða.

Klippingin mín er farin. Eða hún breyttist. Eða eitthvað. Hárið mitt varð líka allt í einu miklu ljósara. Ég held að það tengist því eitthvað að ég fór í sund. Þá fékk ég hælsæri og það leið næstum yfir mig. En það var ekki út af hælsærinu held ég.

Það er komið drasl í herbergið mitt aftur. Og einhver lykt. Vill einhver taka til? Ég skal borga. Samt í Sun Lollyium ef það er í lagi.

Mamma er passa strák sem heitir Alexander. Alexander slefaði framan í Magga. Það var ekkert lítið heldur. Skondið atvik. Samt meira svona "had to be there" móment.

Ég er í fýlu út í vinnuna mína. Vildi að ég hefði efni á að hætta.

Ég ætlaði að fara að læra áðan. En ég gleymdi að kaupa lærdómsnammi. Þá get ég ekki lært. Lærdómsnammi er mjög mikilvægt til að læra. Alveg eins og Skittles er mjög mikilvægt í GTA bílaleiknum. Þarna þessi númer eitt. Þar sem maður horfir niður á bílana. Þá notar maður Skittles. Þær virka sem stresspillur. Eða gerðu það í huga okkar Estherar. Ég varð að minnsta kosti nett stressuð í þessum leik. Af því ég var sko líka að borða Skittles. Æi Esther skilur mig.

Ég er búin að gleyma hvað kúpling er. Það kemur sér frekar illa í ökunámi. Þetta reddast samt. Það tekur örugglega enginn eftir því. Og gírstöng. PUH. Það er nú bara til flækja hlutina.

Mig langar ótrúlega til útlanda. Einhver memm? Eða kannski ætti ég að fara hringinn í sumar. Já ef til vill. Sjá hvað tilvonandi bíllinn minn getur gert. Ég þarf að fá enhvern með mér þá sem kann að skipta um dekk. Og setja svona neyðarþríhyrning upp. Vesen. Ég held mig við útlönd. Þarf einhvern memm sem er til í að vera burðardýr. Samt ekkert fyrir fíkniefni sko. Bara svona föt og skó. Ég býð Sun Lolly fyrir.

America's Next Top Model er byrjað aftur. Það gleður hjarta mitt. Gelgjan í mér brýst út. Annars horfi ég bara á menningalega þætti. Sex in the City til dæmis. Og One Tree Hill. Ég er að spá í að gerast 12 ára aftur. Það færi mér betur. Ég meina konan í sundi hélt að ég væri í 10.bekk. Hún var bitur út í lífið.

Ég ætla að fá mér kleinu. Eða kex. Er ekki alveg ákveðin í því. Síðan fer ég kannski bara út í búð. Þarf að kaupa Sun Lolly held ég.

Tinna - Leti er lífstíll

Maí

2006-05-01T16:16:00.000+01:00

Besti mánuður í heimi er genginn í garð. Hann er svo bestur að hann var gerður að frídegi.
Maí er líka fallegasti mánuðurinn, stutt og töff nafn á honum líka. Ég elska maí.

Fyrir 17 árum var mamma mín ólétt af mesta og besta sköpunarverki so far... Þetta sköpunarverk átti á fæðast í júní samkvæmt einhverjum lækni. En sköpunarverkið hélt nú ekki. Maí skyldi það vera! Það munaði litlu en það náði að koma í heiminn 30.maí sem er fallegasta dagsetningin.

Sköpunarverk maí er farið að vinna.

Tinna - Leti er lífstíll

Mánuður til stefnu

2006-04-30T22:18:00.000+01:00

Eftir mánuð verður kominn 30. maí. 30. maí er flottasta dagsetning í heimi. Þá á ég afmæli. Þá verður gaman. Þá fæ ég bílpróf. Vúúú

Í gær lagði ég land undir fót og skellti mér í sveitna. Nánar tiltekið á Hvanneyri, þar sem systir mín stundar nám við Landbúnaðarskólann. Já, hún er nörd. Nörd sem býr á Hvanneyri og drekkur Sódastream og Boost.
Það gerðist nú ekki mikið þar eins og svo oft úti á landi. Svo á leiðinni til baka var ég vitni að meti. Met þetta sló lítil stúlka sem grenjaði alla leiðina frá Hvalfjarðagöngunum og upp í Breiðholt. Það eina sem komst fyrir í hugsunum mínum var MUST KILL BABY, MUST KILL BABY, MUST ... KILL .....
Ég drap samt ekki þennan útsendara djöfulsins heldur notaði grenj-blokk tæknina mína sem ég hef þróað með mér þar sem móðir mín starfandi dagmóðir.

Ég nenni ekki að skrifa meira ... Sims er að kalla á mig

Tinna - Leti er lífstíll

Morgunblogg

2006-04-28T09:01:00.000+01:00

Jæja, nú er ég vöknuð eldsnemma og er að sjálfsögðu sest við skjáinn. Seinasta blogg var frekar tíðindalaust og ég er ekki bjartsýn á þetta.
Ég þarf að fara í ævintýraleiðangur, bara til að geta bloggað. Þetta ævintýra má samt ekki krefjast hreyfingar eða peninga.
Þarf að hugsa betur um þetta.

Ég kláraði ökuskóla númer tvö í gærkvöld sem þýðir að ég sótt um ökuskírteini, sem þýðir að ég þarf að fara í passamyndatöku, en þetta þýðir að ég get tekið bóklega prófið, sem þýðir að get tekið verklega bílprófið, sem svo þýðir að ég get keypt mér bíl. Taumlaus gleði.

Ég er ekki búin að ákveða hverning bíl ég mun koma til með að keyra en hann má ekki vera gulur, ekki vera station- eða pallbíll, og ekki kosta meira en 100.000. og helst ná upp í 90' módelið....
Ekkert mál að finna þannig bíl held ég.

Ég er að fara í leikfimi eftir tuttugu mínútur. Leikfimitíminn fer fram á Café París og mun ég borða þar. Ég er ekkert það mikið á móti leikfimi lengur.
Death to leikfimi áætluninni minni hefur verið frestað og í staðinn hrindi ég af stað DDD Planinu eða Deyðu Danska Deyðu Planinu. Þið veltið kannski fyrir ykkur hvernig ég hyggst ætla að drepa heilt tungumál ... Fylgist með á miðnætti þriðja sunnudags maímánaðar.

Ég man ekki eftir neinu sem er búið að gerast. Það kemur aldrei neitt fyrir mig, ég hef líka bara einu sinni farið upp á Slysó. Það var á Blönduósi. Ég var að leika mér að hoppa ofan af eldgamallali kistu og lenda á dínu, það var ógeðslega gaman. Svo þegar ég ætlaði að klifra upp á kistuna aftur flæktist ég í stól og datt á kistuna, eða datt með ennið á lykilinn á kistunni sem stóð út. Lykillinn brotnaði á þessari 100 ára kistu held ég. Það kom blóð. Það þurfti að sauma eitt spor.
Þetta var sjúkrasaga mín yfir 17 ár. Ég er mjög varkár manneskja að eðlisfari. Ég hreyfi mig sem minnst og ég hef líka aldrei slasað mig. Leti borgar sig margfalt, nema þegar ég svöng.

Hey, ég fór í klippingu og klippti allt hárið mitt af. Það er farið, það er ekki þarna lengur. Ég gæti verið að ýkja smá, en það nær allavega ekki niður á axlir. Pabbi minn sá engan mun. Pabbi minn er ekki í náðinni lengur. Pabbi hans Magga átti hins vegar í basli með að halda niður í sér hlátrinum.

Tinna - Leti er lífstíll (Ég skrifaði í alvörunni óvart leikfimi í staðinn fyrir leti)

.....

2006-04-23T21:22:00.000+01:00

Ég er einungis að blogga af skyldurækni. Ég hef ekkert að segja.

Vandræðaleg þögn.

.
.
.
.
.

Jú það er ennþá þögn.

Tinna - Leti er lífstíll

Summertime

2006-04-20T19:44:00.000+01:00

Það er komið sumar. Það er ekki komið sumarfrí. Ein ekki sátt.

Ég byrjaði sumarið á allsherjabíltúr með engri annarri en Esther gæðabílstjóra. Bíltúrinn náði alla leið upp í Heiðmörk þar sem ég fékk unglingavinnu-flashback. Við keyrðum yfir brúna sem allir stukku niður af, og fram hjá göngustígnum sem ég var að leggja, og fram hjá "ljónagryfjunum"...
Já, hver man ekki eftir því þegar slegið var met í því hve margir komast í einar hjólbörur og þegar sumir sem heita Maggi stórslasaði örvhentu stelpuna með hjólbörum.

Ahh, those were the days.

Já, Maggi hættu í Hagkaup, appelsínugult er ekki þinn litur. Hættu NÚNA!

Er að spá að finna mér eitthvað einhverft að gera, ætti ekki að vera erfitt.

Tinna - Leti er lífstíll

Búðu þig undir kast. Hláturskast...

2006-04-17T22:27:00.000+01:00

Þetta finnst mér svo æðislega fyndið. Ég er með mjög háþróaðan húmor. Ef þú ert líka með háþróaðan húmor ertu um það bil að fara að deyja núna.
Úr hlátri.

Meira HÉR ... afhverju var ég ekki búin að uppgvöta þetta fyrr. Það er eins og einhver hafi tekið hugsanir mínar og búið til teiknimyndasögu úr þeim.

Annars er ég komin í páskafrí núna. Engin vinna þar til á sunnudaginn. Já, ég er búin að nýta fríið til hins ýtrasta og ég er ekki að tala um heimalærdóm heldur vinna. Ég vann meira að segja á páskadag! og föstudaginn langa! og laugardaginn þar á milli! og meira svo! Það versta við að vinna á Hrafnistu er að það lokar aldrei á hátíðsdögum, en aftur móti var ég á 90% álagi þannig ég kvarta ekki. Svo er ég að búast við launahækkun á næsta leiti... verkföll og allur pakkinn annars.

Afraksturinn af þessu öllu saman mun svo koma í ljós eftir sex vikur þegar ég verð keyrandi um á bílnum mínum, hlæjandi að ykkur hinum út í strætóskýli. Haha mun ég segja og aka svo á vit ævintýranna.

Hef ég einhverntíman minnst á það að mamma er dagmamma?
Mæli ekki með því.

Ein enn í lokin

Tinna - Leti er lífstíll

Frægur?

2006-04-13T19:28:00.000+01:00

Páskar og páskegg.
Eintóm gleði.
Svo dey ég.
Ofát sko.
Áts ...

Ég var að einhverfast (eins og svo oft áður) á einhverri síðu sem segir manni hverjum maður er líkastur úr heimi stjarnanna .....

Og hverjum er ég líkust?

Það komu nú nokkur fræg andlit en ég skellti nokkrum myndum inn og það sem kom oftast var að ég er líkust Natalie Portman og Jessicu Alba.

Ég er mjög sammála, sjáiði bara 75% Alveg eins

Reyndar kom þetta upp líka ....

Eminem

En þekkið mig nú, ég er mun einhverfari en þetta. Ég fór að gá hverjum þið líkist!!!
Allavega þið sem ég á mynd af...

Ásgerður ... Þetta kom oftast af nokkrum myndum

Stunning!!! Corteney Cox og Kim Catrall

Margrét

Ég myndi nú gefa mikið til að líkjast Shahrukh Khan!

Erla söster

Erla hefur oft lent í misskilningi út af þessu .... David Hasselhoff og meistari Nick Cave

Maggi Ben

Jebb, kærastinn minn sko. Sorry stelpur ég veit þið viljið hann....... Sir Prince William og Leonardo vinur okkar

Maggi Dan

Síðan lýgur ekki ... Prince og Alice Cooper

Esther

Christina Ricci, Hillary Duff og þarna Ron
Esther bara sko að segja þér að Christina Ricci deitaði Johnny Depp .... ó já

Ég nenni ekki meira en ef ég hef vanrækt þig þá getur maður gert þetta sjálfur inn á ÞESSU ...
Ég ætla ekki að reyna að mótmæla einhverfu minni.

Farin að drepa mig úr ofáti .... Gleðilega páska

Tinna - Leti er lífstíll

Ömurlegheit

2006-04-09T22:18:00.000+01:00

Þessi dagur má brenna í helvíti og ætti að taka hann út af dagatalinu! Ömuuuuurlegt

Mínusar dagsins
Þurfti að vakna klukkan sjö, sem ætti að vera ólöglegt á sunnudegi...-1 stig
Þurfti að fara að vinna í átta tíma...-1 stig
Ég var í fínu flatbotnaskónum mínum og þeir skemmdu á mér lappirnar...-1 stig
Öll vinnufötin voru búin, ég þurfti að vera í svo þröngum buxum að þær skáru mig í tvennt...-2 stig
Ég var svo að vinna tólf tíma vakt...-5 stig
Ég hellti niður mjólk, rjóma, salatbar, sjóðandi vatni, kaffi, hafragraut og aftur mjólk...-5 stig
Ég fékk hælsæri, verk í iljarnar, lappirnar og bakið og skar mig í lófan...-10 stig
Ég þurfti að vaska upp mér skurð í lófa...-3 stig
Ég var fyrst að vinna með konu sem ég skil ekki, svo með stelpu sem var meidd á hendi og gat ekki unnið...-5 stig
Ég gat ekki farið beint heim að kúra djúsí rúminu hans Magga því hann tekur litla danska frænda sig fram yfir mig...-200 stig

Plúsar dagsins
...............

Ætla að láta pirr mitt bitna á Ásgerði.

Tinna - Leti er lífstíll

Það er svo gaman að vera ég

2006-04-08T21:48:00.000+01:00

Páskafrí at last.

Markmið:
Slá met í að sofa
Slá met í að borða páskaegg

Búið, þetta er nóg til fylla eitt stk. páskafrí.

En annars er nákvæmlega ekkert að gerast. Alls ekkert. Vá hvað ég er boring...

Ég hef ekkert að segja. . . Ég upplifi aldrei neitt skemmtilegt.
Djók.

Ég geri bara skemmtilega hluti. Að mínu mati allavegana.

Listi yfir skemmtilega hluti sem ég hef gert yfir líf mitt (valin atriði, ég skrifa ekki allt það myndi taka langan tíma):

Ég og Ásgerður stilltum sjónvarpið á MUTE og töluðum inn á

Ég og Esther ákváðum að elta einhverja gaura á Hondu á bílnum hennar

Ég fór í skallakeppni við Magga Dan ... og við rotuðums næstum því.

Ég var í leik sem kallast Quadra Pop á símanum og náði yfir 400.000 stigum.

Ég og Magga tókum einu sinni fötur og skóflur og börðum á fötunar meðan við gengum niður götuna og sungum Öxar við ána af öllum líf og sálar kröftum, í von um að fólk gæfi okkur pening

Ég keyrði næstum yfir pabba hans Magga

Ég og Esther fórum labbandi í bílalúgu

Ég fór í ruðning við mjög svo ölvaðan mann sem var þrítugur og samkynhneigður, hann rústaði mér.

Ég flúði úr leikfimi með því að hoppa út, en nennti ekki lengra en rétt út úr salnum, leikfimikennarinn fann mig...

Ég fór í Tívólí, bara til að fá mér Candy Flos

Ég sagði brandara um epli og tómat sem ég man ekki hvernig er og hló að sjálfri mér í klukkutíma.

Ég og Íris (sem er næstum því frænka mín) flokkuðum öll Trivial Pursuit spjölgin hennar, það er nefnilega tala neðst á hverju spjaldi.

Maggi dáleiddi hundinn sinn fyrir, það var mjög gaman. Hundurinn varð geðveikur og var gefinn stuttu seinna ...

Ég er kaldhæðin við fólk sem skilur ekki kaldhæðni, það er mjög gaman

Ég, Kristjana, Eva og Freyja tölum fyrir auglýsingamódel í tímaritum

Það er ógeðslega gaman að vera ég!

Tinna - leti er lífstíll

Afmæli .. Schmafmæli

2006-04-06T17:46:00.000+01:00

Ég er búin að komast að því að það er stundum ömurlega pínlegt að eiga fyrirbæri sem kallast kærasti. Dæmi um það er að kærastar eiga jú afmælisdaga eins og flestir. Þá þarf þessi kærasta að gjöra svo vel að finna afmælisgjöf. Í þessu tilviki var það minn kærasti sem átti afmæli. Þá fannst mér ekki gaman. Ég fór tíu ferðir upp og niður Laugaveginn með blýþunga skólatösku í hríðinni. Ég eyddi heilum degi í Smárlindinni. Ég fór aftur á Laugaveginn. Ég fór í Kringluna með sömu þungu töskuna á ný.
...sökkar

Öllum öðrum afmælum er hér með aflýst.

Ég stóð úti í strætóskýli áðan. Sólin skein og það var logn, varla ský á himni. Svo fór að snjóa, en samt skein sólin og það var logn og varla ský á himni, en samt snjókoma, en samt sól.

That's Iceland for ya.

Tinna - Leti er lífstíll

Dugleg ég

2006-04-01T22:04:00.001+01:00

ÉG TÓK TIL

Já þið lásuð rétt!
Ég komst að því að ef öll fötin mín eru hrein í einu þá komast þau ekki inn í fataskápinn minn. Ég komst líka að því að ég var með 18 skópör í minni vörslu. Ég lét fögur flakka, ásamt heilum svörtun ruslapoka af fötum.

Ég er svo stolt af mér, ég skúraði og skrapaði mygluna burt.
Herbergið mitt glansar.

Til hamingju ég.

Vildi bara deila þessu með heiminum.

Tinna - Leti er lífstíll

Dugleg ég

2006-04-01T22:04:00.000+01:00

ÉG TÓK TIL

Dagur: Ég gef honum 8

2006-03-31T16:17:00.000+01:00

Núna er það komið á hreint. Ég er í ljósmyndanefnd Kvennó 2006-2007. Vúhúú Nefndarfeeeerð!
Svona er maður líka virkur í félagslífinu.

Ég held að fjörfiskurinn sé farinn, ég hef ekki orðið vör við nokkuð lengi. Ég hefði kannski ekki átt að minnst á þetta. crap.

Leikslistarhæfileikar mínir skinu í gegn í dag þegar við settum upp leikþátt í Íslensku. Þar lék ég hirðmann sem ferðaðist um á mótorhjóli og varð síðan skotinn með haglabyssu því hann stríddi Hreiðari, sem var ljótur. Ég fór án efa á kostum.
Ég nýtti mér þessa leiklistahæfileika mína síðan og sagði enskukennaranum mínum að ég væri að fara til læknis til að ég fengi að taka munnlega prófið fyrst. Og auðvitað brilleraði ég í þessu prófi og var svo komin heim miklu fyrr.

Góður dagur.

Þar sem ég hef ekkert tímaskyn varð ég mjög hissa að það beið mín launaseðill heima. Það kom mér skemmtilega á óvart því ég gerði mér engan veginn grein fyrir því að það væru mánaðamót. Já mjög góður dagur.

Svo opnaði ég inn í herbergið mitt og dagurinn varð svartur, svona eins og herbergið mitt er að verða á litinn smám saman. Ég fékk letikast og ákvað að það væri fyrir bestu að leggjast bara niður sem ég gerði.

Ætla að snúa mér aftur að því.

Tinna - Leti er lífstíll

Til hamingju allir

2006-03-29T15:01:00.000+01:00

Þetta er búið að gerast.

Pabbi varð fimmtugur og allt voða gaman í kringum það. Ég og Erla systir fórum aðeins yfir um í Söstrene Grene og ákváðum að gerast listamenn, við keyptum málngapensla, trönu, málningarplatta og bara allan pakkan ... Við gáfum pabba sem sagt tvö ómetanleg listaverk og skelltum reyndar einu gjafabréfi með til að líta ekki út fyrir að vera nískari en allt.

Margrét, massamaskínan eina sanna, tók þátt í fitnesskeppni fyrir grunnskólana og svoleiðis valtaði yfir allt og alla í sinni grein. Reyndar var hún í liði og allir hinir í liðinu voru afskaplega lélegir þannig Seljaskóli vann ekki en hún Margrét .... úff passiði ykkur. Þessu var svo auðvitað sjónvarpað á Sýn á prime-time

Okei, skólinn... það er kosningavika þannig það er búið að vera dæla í mann nammi, ís, candyflos, kökum og öllu milli himins og jarðar, þannig ég er feit og fékk bólu.
En þar sem ég er auðvitað hápólítísk manneskja og telst vera dugnaðarforkur hinn mesti og frábær í alla staði ákváðum við stelpurnar, ásamt einum traustum dreng honum Natani, að skella okkur út í kosningabaráttu og buðum okkur fram í ljósmyndanefnd. Ég er frekar sigurviss þar sem enginn er að bjóða sig fram á móti og er maður tjahhh... sjálfkjörin.

Herbergið mitt er bókstaflega byrjað að mygla þar sem það er einhver raki á ferðinni undir rúmi. Grár stuttermabolur sem stóð á Australia skemmdist vegna myglu. Samt er ég ekki búin að þrífa... Ég er samt búin að skipuleggja rán á þrífikonunni sem þrífur húsið hans Magga.

Krakkarnir hérna hafa ákveðið að fara í grenju-maraþon og eru án efa búin að slá öll met ásamt þess að skemma það sem eftir var af geðheilsu minni.

Þetta er að fara að gerast

Ég er að fara að klára ökuskóla 2 á morgun og mun þá í framhaldi að því taka skriflegt ökupróf. Ég færist alltaf nær og nær.... mmmm roadtrip.

Ég neyðist til að kaupa afmælisgjöf. Ég hata að kaupa eitthvað handa öðrum vil eyða MÍNUM pening sem ÉG vann MÉR inn í MIG.

Það setuverkfall í vinnunni í dag. Það gengur þannig fyrir sig að allir vinna hægar og eru lengur að öllu. Afhverju finnst mér það ekki alveg meika sens að vera lengur í vinnunni þegar maður á að vera í verkfalli?

Ég ætla að taka herbergið mitt fyrir í dag. Eða að minnsta kosti að hugsa um að taka herbergið mitt í gegn.

Nú ætla ég að fá mér næringu.

Tinna - Leti er lífstíll

Sannfær

2006-03-27T16:06:00.000+01:00

Áfram kem ég með minn stórfenglega sannfæringarkraft. Já mér er að takast að sanka að mér fólki á Hrafnistu. Ohhh ég er svo best.

En eftir tíu mínútur þarf ég að vera stödd úti í strætóskýli, svona helst, ef ég vil komast til vinnu.

Þannig ég veit ekki afhverju í fjandanum ég er að blogga.

Ég ætla bara að senda samúð mína til Ástralíu þar sem þeir eru víst uppiskroppa með banana. Svo sendi ég hamingjuóskir til pápa sem verður hálfnaður í hundraðið á morgun. Ég á nefnilega örugglega ekki eftir að blogga á morgun...

Lifið heil.

Tinna - Leti er lífstíll

jamm og já

2006-03-22T13:12:00.000Z

Viðburðarík helgi hjá frú Tinnu.

Já, ég sagði frú Tinnu!

Vistmenn Hrafnistu virðast standa á þeirri skoðun um að ég sé frú. Ég sætti mig alveg við það þegar þau sögðu "Biddu konuna um meiri súpu" Ég get alveg höndlað það að vera kona.
Svo fór þetta að þróast yfir í "Afsakið fröken" og að lokum í "Fyrirgefðu frú"

Þá var ég ekki sátt, ég samþyki ekki að vera kerling á mínu sautjánda ári. Þannig þegiði gömlu beyglur ef þið eruð að lesa.

En já.... helgin víðfræga.

Sumir muna ekki eftir henni, en það geri ég.

Ég ákvað að heimsækja pabba minn upp í Grafarvog og að sjálfsögðu að nýta æfingaleyfið mitt í leiðinni. Þannig ég keyrði með pabba út um allar trissur og það var öskrað og svitnað, aðallega af pabba hálfu. Þótt ég "sjái ekki" einhverja ljóta Mözdu í hringtorgi er það ekkert til að kippa sér upp við. Ég bara sé það sem ég vil sjá og ég vil ekkert menga augu mín með Mözdum.

Þegar pabbi var búinn að jafna sig á þessum lífsháska fóum við á KFC og ég fékk mér majones með smá kjúklingi út á. Mæli ekkert sérlega með því.

Síðan rann upp laugardagskvöld með allri sinni dýrð. Þá skutlaðist ég á jeppanum hans pabba upp í Breiðholt og sótti Ásgerði. Ég held hún hafi hrifist mjög af hæfileikum mínum í að keyra. Ferðinni var síðan heitið til Magga Dan.

Ég nenni ekki að útskýra þetta nánar en segjum bara að sumir hafi verið í verra ástandi en aðrir og sumir urðu pirraðir og þurftu að bókstaflega draga suma heim til sín, þá voru sumir ekki kátir en aðrir bara hlógu að sumum.

Síðan auðvitað brunaði ég bara aftur upp í Grafarvog.... daginn eftir.

Þannig var nú það... en ég var að uppgvöta að skólinn minn ástkæri hefur breyst í stökkbreytt kjarnorkuskrímsli sem lætur mann allt í einu þurfa að læra og skila ritgerðum hægri og vinstri og lesa fjórar skáldsögur og ég veit ekki hvað og hvað. Mér finnst þetta svívirðilegt og asnalegt af skólanum að vera að ætlast allt þetta af mér. Ég er bara ein manneskja. Ég hef bara tvær hendur. Ég er löt.

Ég er það löt að ég er farin að kvíða fyrir því á hverjum degi að labba upp brekku eina sem liggur upp að skólanum og ef ég þarf síðan að fara beint upp á efri hæðina, þá dey ég oft í stiganum
En ég er ekki ein í brekkubaráttunni.......ég er ekki ein.

Ég er líka það löt að í seinasta leikfimitíma öskraði kennarinn á mig: Ef þú vilt fá mætingu þá verðuru að hreyfa þig eitthvað!!! Svo skrifaði hann eitthvað niður reiður á svip. Þannig ég sparkaði einu sinni í bolta. En ég er heldur ekki ein í leikfimibaráttunni.

Það kemur sér vel að eiga sálufélaga.

Tinna - Leti er lífstíll

Ands#%"!#(**

2006-03-16T21:28:00.000Z

Hjálp, ég er í sjálfheldu.

Mér leiðist svo ógeðlega mikið. Ég er gjörsamlega að farast úr leiðindum. Samt nenni ég ekki að hringja í neinn eða finna mér eitthvað að gera. Ég nenni því ekki, það er vesen. Ég þyrfti þá að finna síma, tala við einhvern sem er sársaukafullt vegna hálsbólguog mögulega yfirgefa þægilega stellingu.

Það er ömurlegt að vera ég. Ég vorkenni mér mikið.

En góðar fréttir í lífi Tinnu.

Ég fór í minn allra seinasta lífsleiknitíma á þessu ári, éghef aldrei verið jafn glöð. Þó að ég hafi tæknilega séð bara verið að mæta í tíma nr.3 í dag.

Þetta er frábært þar sem lífsleikni er dauði. Þetta sem var léttasta og lærdómsminnsta fag allra tíma, stökkbreyttist í fjármála- og bókhaldstíma í framhaldsskóla.

Oj.

Ég ætlaði að eyða öllu kvöldinu á msn, en svo mundi ég að mér finnst eiginlega hungleiðinlegt á msn. Ætti kannski að endurnýja kynni mín við Sims.

Maður myndi áætla að eins sorgleg manneskja og ég ætti að eignast kærasta en svo fór ég og gerði það og það hjálpaði ekkert.
Hvar er hann þegar ég er að deyja? Hvergi nærri!
Karlmenn eru ömurlegir. Ætlaði að gerast lesbía til að hefna mín en hann myndi örugglega bara fíla það.

Ömurlegt. Deyið ógeðslegu karlmenn. Oj ykkur öllum. Sveiattan.

Ég er ekkert bitur. Nei, nei.

Tinna - Leti er lífstíll

I'm back

2006-03-14T18:00:00.000Z

Jæja, ég er búin að liggja fárveik og illa haldin vel og lengi en er að rísa úr ekkju minni núna.

Ég vil þakka öllum umhyggjusömu vinum mínum fyrir allar símhringingarnar, blómasendingarnar, kortin, blöðrunar og heimalærdóminn.....

Þar sem ég er búin að liggja í sjálfsvorkun í viku er mikið að blogga um.

Þannig að... sendið mér bara vorkunnarkomment.

Tinna - Leti er lífstíll

Rebeeeeel

2006-03-08T13:51:00.000Z

Ég gerðist rótæk í dag. Með baráttuhug skundaði ég, ásamt mörgum fleyrum, á Austurvöll til þess að mótmæla. Þar var aragrúinn af framhaldsskólanemum samankominn til að mótmæla styttingu framhaldsskólanáms. Hell Yeah! Óeirðir í aðsigi.

En í gær skal ég segja ykkur þá hafði ég þemakvöld ásamt henni Margréti. Það var samt óvart. Við fórum í tölvuleik um Kína og borðuðum vorrúllur og núðlur, svo sungum við kínversk lög, eða okkar útgáfu á kínversku lagi. Ég er ekki frá því að Margrét hafi verið orðinn svolítið gulleit í endan á kvöldinu... Hver vill koma á næsta þemakvöld hjá Tinnu?

Ég nenni eiginlega ekki að blogga, er bara að því til að forðast barsmíðar.

Ætla núna að....

-Fara í nördalegasta tölvuleik sem ég finn mér
-Fara að keyra með pabba
-Taka til
-Læra heima

Erfitt.

Tinna - Leti er lífstíll

Alveg að koma, næstum því...já

2006-03-06T19:56:00.000Z

Æfingaleyfi á morgun, þá mun líf mitt batna.
Það er erfitt að vera ég á mánudögum, sérstaklega vegna þess að ég píni mig til að vaka fram eftir til að horfa á Sex in the City síðan skóli og blessaða vinnan mín. Lost er bjargvættur mánudaganna. Ég elska þig, Lost. Ég elska þig meira en kók.

Á morgun mun ég geta keyrt út um allar trissur með grænan segul á skottinu og pabba í farþegasætinu, en ég vorkenni honum meiar en mér. Síðan í júní mun ég allt í einu eignast fullt, fullt af vinum. Eitthvað tengt því að ég mun vonandi verða komin á bíl þá.
Samkeppnin um road-trip með mér er ennþá í fullum gangi..... Það lítur samt út fyrir að ég þurfi að fara í svona þrjú ef ég vill halda lífi.

Ég ætla að segja smá frá dönsku, mínu uppáhald fagi í gervöllum heiminum.
Við vorum að horfa einhvera mynd um gaura sem opna slátrarabúð, búðinni gengur illa þannig þeir drepa fólk, marinera það, skera í sneiðar og selja. Þá gengur þeim allt í haginn og viðskiptin blómstra....... Danir

Makes you think

Smá innsýn í námið mitt.

Annars er ég að leita að styrktaraðila.
Helst einhver moldríkur olíujöfur sem getur styrkt mig í utanlandferðum mínum, skókaupum, bílkaupum og þar eftir götunum.

Ef þú ert olíujöfur, eða ríkur búgarðseigandi frá Texas hafðu samband.

Farin að þykistulæra undir enskupróf.

Tinna - Leti er lífsstíll

Háspenna lífshætta

2006-03-03T16:30:00.000Z

Á föstudögum er ferðum mínum í skólann þannig hagað að ég þarf að skipta yfir í leið 15 hjá Landsspítalanum til að fara í leikfimi. Það hefur alltaf verið þannig að 15 komi þremur mínútum eftir að ég stíg út úr s3. En ó nei, ekki í morgun þegar það er fimm stiga frost og vindur og ég, eins og mér einni er lagið, er berfætt í opnum skóm.
Ég stóð þarna á umferðareyju fyrir framan Landsspítalann í hálfa klukkustund. Ég varð svona frekar pirruð. Þegar vagninn lét svo loksins sjá sig fékk ég þá skýringu að hann hefði keyrt yfir á rauðu ljósi með þeim afleiðingum að lögreglan stoppaði strætó.

Og þetta bitnaði á greyið berfættu stúlkuni sem vildi bara fara í leikfimi.

Ég fór með pápanum að sækja um æfingarleyfi í dag. Einhver ofurhress karl sem reytti af sér brandara frá vinstri til hægri stimplaði á blað og gaf okkur auka spegil í bílinn. Ég velti því fyrir mér hvort að það hafi verið vegna þess að ég er örvhent.

Mig grunar samt að pabbi sé spenntari fyrir þessu en ég því að hann var búin að klippa út bílaauglýsingar fyrir mig og honum er alveg sama þó að ég fái ekki leyfið fyrr en eftir helgi, við förum bara út úr bænum segir hann, Mosó eða eitthvað. En samkvæmt pabba er framtíðarbíllinn minn Cadillac '85 eða einhver stór jeppi... right

Annars er ég að leita eftir einhverju stórskemmtilegu og ódýru til að gera um helgina, endilega hafa samband, ég mun bíða við símann í allan dag og í alla nótt.

Tinna - Leti er lífstíll

Traffic here I come

2006-03-02T22:41:00.001Z

Ég var að koma úr 10. ökutímanum, ég var að bakka.

Mig er farið að gruna sterklega að þetta með kvenmenn og að bakka í stæði sé satt. Ég og bakkgírinn erum vægast sagt ekki bestu vinir.

Engu að síður verður æfingaleyfið komið í höfn eftir helgi og þá verður jeppinn hans pabba fyrir barðinu á mér.

Ég er ekki ennþá búin að fá afhendar neinar mútur til þess að fá að koma í hið stórfenglega road-trip sem fram undan er. Þið eruð ekki að standa ykkur krakkar!

Hér eru nokkrar hugmyndir um mútur.

Gefið mér Sex in the City seríurnar og Simpson 7.
Máliði og innréttiði herbergið mitt.
Ég afþakka ekki BMW.
Ótakmarkað magn af bragðarefum.
Heilsdags nudd, framkvæmt af Johnny Depp. Mmmm....

Bara svona til að koma ykkur af stað með þetta.

Best að koma sér til Magga og gera óspart grín af þumlunum hans.

Hey, ég gekk á súlu í vinnunni áðan, tvisvar.

Tinna - Leti er lífstíll

Hæ Kalli

2006-03-01T14:44:00.000Z

Það virðist allt fara til fjandans þegar ég yfirgef tölvuna mína í nokkra daga, fólk fer að gruna mig um að hafa blokkað sig á msn og skammar mig fyrir að blogga ekki nóg. Það eru engin takmörk fyrir því hvað ég mikilvægur partur af veraldarvefnum.

Ástæða mín fyrir þessu hvarfi er sú að ég er upptekin!

Ég er upptekin við að læra á bíl.
Ég er upptekin við að vinna fyrir ökunáminu mínu.
Ég er upptekin við að sofa í tímum.
Ég er upptekin við að eiga kærasta.
Ég er upptekin við að fá 3.1 í prófum.
Ég er upptekin við að sofa.

Sorry Kalli (Tölvan mín heitir Kalli) ég er busy.

En já, Tinna hin örvhenta og örvinglaða er sest undir stýrið og þeir sem verða fyrir barðinu á henni eru kantar og aftur kantar. Mér fer samt fram þó ég drepi óspart á bílnum við stöðvunarskyldu og önnur tækifæri og keyri alltaf á 50 í 30 götum. Engin er samt dáinn af völdum mínum, þó ég myndi óhikað negla á nokkra útvalda einstaklinga. Því eins og Óli ökukennari segir þá er það hann sem er ábyrgur.

Manneskja sem ég myndi keyra á, bakka svo aftur og að lokum keyra aftur yfir er maður sem ég kýs að kalla Hr. Laugardagskvöld.

Laugardagskvöld er feitur maður með ljót gleraugu og alltaf er hann í ógeðslegri, brúnni úlpu. Hann leggur það í vana sinn að koma í vinnuna og sníkja mat með eins dónalegum hætti og mögulegt er. Hann kvartar og kveinar og heimtar meira, blótar að manni og lætur við mann eins maður sé skíturinn undir skónum hans.

Takið eftir að þetta er ekki vistmaður á Hrafnistu.

Skemmtileg staðreynd: Á morgun verð ég komin með æfingaakstur, það styttist í þetta...

Svo þarf ég að fara að ákveða hverjum ég ætla að veita þann heiður að fara með í fyrsta road-trippið.

Jæja, komið með eins skemmtileg komment og þið mögulega getið.
Entertain me.

Tinna - Leti er lífstíll

Æ, æ og Ó ó

2006-02-20T19:31:00.000Z

Magnús Daníel er hataður þessa stundina.

Svona til að vera með í bloggsamfélaginu og að hluta til vegna þess að mér dettur ekkert betra í hug ákvað ég að gera þetta klukkerí.

4 störf sem ég hef unnið um ævina

Ég afgreiddi einu sinni eina kók í gömlu búðinni hans pabba, RC Model
Vinnuskólinn
Morgunblaðið
Hrafnista, Dvalarheimili Aldraðra Sjómanna

4 bíómyndir sem ég gæti horft á aftur og aftur

Anchor Man
Rocky Horror Picture Show
Elf
Titanic, til að koma mér í gott skap

4 staðir sem ég hef búið á

Lindarsel 12
Lindarsel 12, því ég flutti um herbergi
Fífuselið

4 sjónvarpsþættir sem mér líkar

Fóstbræður
Lost
Futurama
Sex in the City

4 staðir sem ég hef heimsótt í fríum

Ástralía
London
Blönduós
Blönduós

Fernt matarkyns sem ég held upp á

Súkkulaðikaka
Steikin á Hrafnistu
Súkkulaðipönnsur sem ég bjó einu sinni til
Flatbaka

4 bækur sem ég les oftast

Les bækur yfir leitt bara einu sinni eeen..

The DaVinci Code
Hringadróttinsaga
Bert
Harry Potter

4 staðir sem ég myndi vilja vera á núna

Bondi Beach í Sidney
Í Stærsta og mýksta rúmi í heimi
Í tilvonandi bílnum mínum í roadtrippi um Evrópu með Johnny Depp mér við hlið
Í baði (með Johnny Depp mér við hlið)

4 bloggar sem ég ætla að klukka

Maggi Dan
Maggi Dan
Maggi Dan
Maggi Dan

Tinna - Leti er lífstíll

MR Schemmerr

2006-02-19T00:47:00.000Z

Það var laugardagskvöld, eða er eiginlega ennþá og ég sko komin djammfílinginn eftir að hafa horft á eurovision með mömmu. Þannig ég hringi í Ásgerði og við skellum okkur út.
En þá föttuðum við að við eigum enga vini þannig við röltum um einar í rigningunni.....
Við grétum líka smá.

Svo var auðvitað MR árshátíð sem við Ásgerður skelltum okkur á, því MS vildi ekkert með okkur hafa, en MS-ingar losnuðu ekki svo létt við okkur því við ákváðum að troðast í MS fyrirpartý. Það var í Skerjafirði sem er langt út á landi, næstum því lengra en Seltjarnarnes og þá er sko mikið sagt. Það var auðvitað crazy-ass stuð í Skerjafirðinum eins og alltaf.
Ég og Ásgerður fórum svo í leigubíl á Gullhamra og var leigubílstjórinn hinn skemmtilegasti maður og stuðpinni hinn mesti og var honum mikið þakkað fyrir farið.

Ballið síðan var hið besta en ég þekki samtals einn í MR, en það var aukaatriði. Ég skemmti mér konunglega alveg svona... já, já.

Hápunktur kvöldsins: Leigubílstjórinn okkar, mælum með honum... Hann er hjá Hreyfli og er svona karl um fertugt. Voða hress náungi á svörtum bíl.

Ég fór fram úr rúminu klukkan hálf sjö um kvöldið í dag, eða í kvöld og hafði sofnað klukkan svona sex kvöldið áður. Mamma hans Magga spurði mig mjög áhyggjufull á svip hvortég væri blóðlítil og hvort ég hefði farið í mælingu. Ég forðaði mér heim.

Bæjóóóó, skillurruuu
(oj)

Tinna - Leti er lífstíll

Vrúmm

2006-02-15T19:30:00.001Z

Fyrsti ökutíminn minn var svona:

Ég keyrði eftir minni allra bestu getu meðan Óli sagði: Kantur, Tinna kantur, kantur Tinna, ekki á kantinn, kantur, kantur, kantur, Þú ert aftur á kantinum, kantur, af kantinum, kantur Tinna, kantur, kantur, farðu af kantinum, kantur ....

Annars var þetta bara fínt nema þessir kantar voru alltaf að flækjast fyrir mér
Ég drap síðan bara einu sinni á. Jehh

Þetta kemur síðan allt saman, vonandi.

Þegar ég var í 10.bekk þá vorum við krakkarnir oft að spila. Ég stundaði Hæ Gosa grimmt á þeim tíma og tókst mér með örvhentni minni að fá stærsta marblett sem ég hef nokkurn tíma fengið á höndina eftir að vera alltaf að reka mig í borðkant þegar ég sló á spilabunkann.
Þetta gerðist rétt fyrir árshátíð Seljaskóla og var ég þennan risavaxna marblett, sem náði frá olnboga niður að úlnlið, á árshátíðinni.

Ég var svo í dag að spila. Að sjálfsögðu negli ég hendinni eins fast og get í borðkantinn þegar ég ætla að freista þess að slá á bunkann.

Ég er svo einnig að sjálfsögðu að fara á árshátíð á morgun.

Nú ætla að ég að fara í Sims, byggja fallegt hús og myrða svo fólkið á hrottafenginn hátt.

Tinna - Leti er lífstíll

ég hata titla

2006-02-14T18:37:00.000Z

Ég er að fara í ökutíma nr.1 eftir klukkutíma.

1.júní verð ég búin að kaupa mér bíl.

Mmmmmmm... Bíll.

Ég vil óska öllum hallærislegu pörunum sem eru að fara út að borða til hamingju með daginn og megið þið eiga rómantíska kvöldstund.

Á meðan á því stendur mun ég þeysa um götur Breiðholtsins.

Ég er svona eiginlega ekki að geta skrifað meira vegna fjörfisks í vinstra auga.
Afsakið.

Tinna - Leti er lífstíll

Örtröð og þá núna ös...ha, hver?

2006-02-13T23:21:00.000Z

Árshátíðin búin og skemmti ég mér konunglega, þangað til ég fékk hausverk og háhæluðu stígvélin sem voru einu númeri of lítil fóru að segja til sín.
Frábært allt saman.

En...

Mér tókst, með snilligáfu minni, að rífa minn undurfagra kjól og fá sígarettugöt á hann. Fallegi, fallegi kjóllinn minn.
Ég er miður mín.

Svo er það næsta árshátíð. MR. En enginn kjóll til að fara í.

Fjörfiskurinn er fastagestur í auga mínu. Ég hélt samt að ég væri laus við hann því hann var ekki búinn að gera vart við sig í heila tvo daga.

En svo BANG hér er hann og gerir sig ekki líklegan til að fara.

Ég hef ákveðið að koma með dæmisögu um heimsku mína bara svona því ég hef ekkert að skrifa um.

Ég ætlaði að hringja í ónefnda vinkonu mína í dag. Ég sló inn númerið og það svaraði maður.
"Það er skrítið" hugsa ég. Kom svo í ljós að það var rangt númer. Ég hringi aftur en það var sama vitlausa númerið. Ég reyni einu sinni enn og maðurinn svarar aftur. Mér leið eins og fávita og ég skellti á og ákvað að hringja ekki í vinkonu mína.

Þetta var samt ekki í fyrsta skipti sem þetta gerist því ég hringdi einu sinni í sama vitlausa númerið þrisvar sinnum í röð, en þá ætlaði ég að hringja heim.

Best að leggja sig bara.

Tinna - Leti er lífstíll

Haldið ykkur fjarri Big Momma!

2006-02-08T20:24:00.000Z

Ég upplifði leiðinlegustu stund lífs míns í dag.

Fór í bíó.

Fór á Big Momma's House 2.

Ég dó næstum.

og endirinn....
Aldrei hef ég upplifað jafn mikla væmni.

En ég er ennþá lifandi svo ég geti drepið mig í fyrsta ökutímanum mínum sem verður á þriðjudaginn.

Je

Tinna - Leti er lífstíll

Snjór .. Schmjór

2006-02-08T12:44:00.000Z

Fyrir nokkru þegar allt var á kafi í snjó ætlaði eg að hringja í ökukennara en snjórinn fékk mig til að fresta því.
Svo þegar snjórinn er á bak og burt og þetta fína veður er komið þá manna ég mig upp í að hringja. Jæja allt í lagi og okei með nema að viku seinna þegar ég á svo loksins að fara að byrja...
þá er aftir kominn snjór!

Ísland fer stundum í taugarnar á mér.

Í Árshátíðarviku Kvennó eru svokallaðir Tjarnardagar þar sem maður á að skrá sig á "námskeið" Ég skráði mig á Stelpur með Stæl með Helgu Brögu, sem var síðan kynlífsnámskeið. Mjög fræðandi og gaman.

Námskeið dagsins í dag er bíó.

Svo er það bara Selfoss.
Hvernig ætli það allt fari. Verð ég rifinn í tætlur af alræmdasta hnakka Selfosss, sem mér skilst reyndar að heiti Knútur og sé náskyldur Magga nokkrum Ben... hmm

Annars er ég búin að vera að lesa mjög svo spennandi bók á dönsku um strák sem heitir Jeppe og finnst gaman að spila körfubolta. Hann er skotinn í Cecilie og síðan byrja þau saman, hún fær krabbamein og þau giftast...blablabla

Ég hata dönsku og núna alla Dani sem heita Jeppe.

Tinna - Leti er lífstíll

Endurkoma Den Royale Soveklub

2006-02-06T19:41:00.000Z

Eftir að fílamálið hefur verið upplýst þá hef ég haft lítið annað fyrir stafni en að sofa. Ég hef stundað svefninn eins og sönnum fagmanni sæmir og vaknað til þess eins að sofna aftur. Sofnaði meira að segja í bíó, en það var á Domino sem sökkar.

Þessi aukna svefnárátta mín fékk mig til að íhuga það að koma með Den Royale Soveklub hingað yfir. Þá tók ég mig til, því eins og þið vitið þá á ég mér takmarkað líf, og endurbætti og efldi Svefnfélagið okkar kæra.
Eins gott að þig, kæru Svefnfélagsmeðlimir, hafið ekki gleymt skildum ykkar og hafið sofið nægilega.
Annars er illu að mæta.

En ef við skellum okkur yfir í annað ...

Ég er samkvæmt Morgunblaðinu kát Kvennaskólastúlka og einnig eru Kristjana og Eva kátar. Það var yfirskriftin á mynd einni sem birtist af okkur stúlkunum í sunnudagsmogganum.
Ef þið lítið á mig á myndinni þá er ég akkúrat að segja: "Ehh, stelpur. Það er einhver krípý náungi að taka myndir af okkur.."
Búast má við einkaviðtali við okkur í DV á næstunni.

Auk þess að vera kát Kvennaskólastúlka er ég líka Menningarleg Reykjavíkurmær því ég skellti mér í leikhús að sjá einhverja TúskildingsÓPERU. Já óperu.
Kom svo í ljós að þetta var einhver klámópera sem endaði með risavöxnu gylltu typpi ...

Stundið Den Royale Soveklub samviskusamlega, þið sjáið ekki eftir því. Það kemur linkur innan skamms.

Sofum saman!

Tinna - Leti er lífstíll

Það var Ernest

2006-02-03T14:54:00.000Z

Muniði eftir barnatímanum í forðum? Kærleiksbjörnunum, Dodda á gula og bláa bílnum, Steinþursunum, Herramenn og Herrafrúr og Fílavampírunni?

Já fílavampíran.
Það hefur angrað mig vel og lengi það að ég gat ómögulega munað hvað sú persóna hét. Þær vangaveltur eru búnar að ofsækja mig, þangað til í gær.

Þá ákvað að gúgla því og viti menn, fílavampíran ástkæra heitir Ernest the Vampire.

Nú get ég loksins sofnað á kvöldin.

Asnalegir hlutir angra mig mest.

Svo hef ég líka oft spáð í því hvað prinsessan hét sem var uppi í turni og svo lét hún hárið vaxa alla leiðina niður.
Hvað hét hún?

Úff...

Best að fara að þvo föt og fleira skemmtilegt sem mér dettur í hug.

Tinna - Leti er lífstíll

Búið og gert

2006-02-01T13:56:00.000Z

Ég ákvað að hleypa í mig kjarki og leita að ökukennara.
Fór á vefinn og á gulu síðunar og sló inn "ökukennsla" þá komu upp 170 svör. Ég hætti við samstundis og ákvað að hringja í minn fyrrverandi líffræðikennara og biðja hann um ökukennslu.

Ég er semsé að fara að læra að keyra.

Watch out!

Það er ótrúlegt hvað hver tími í dönsku nær að slá út þeim fyrri í leiðindum. Þessar klukkutíma kennslustundir eru þrjár klukkustundir að líða og ég er farin að leyfa mér að sofna í hverjum einasta tíma sem hefur orsakað það að ég er 100 blaðsíðum eftir á í bókini.
Dönskufall á næsta leiti.
Þessi kennari sem er alltaf í nýjum feldi á hverjum degi, þar á meðal bláum síðum pels, hefur látið mig sakna Erlu Jóhanns ótrúlega mikið.
Erla dansaði þó andardansin. Ó Erla, komdu aftur.

Ég fékk næstum svona ég-sakna-grunnskóla syndrom en svo mundi ég eftir gluggatjöldunum í Seljaskóla og allur söknuður hvarf bak á burt.

Seljaskóli var samt ágætur, frábær jafnvel.
En þessar helvítis gardínur ofsækja mig enn í svefni.

Hún Linda verðandi skiptinemi kallaði saman flesta heim til sín í gær, til að taka mynd af okkur.
Á myndini sáust svartar pesrónur því myndin var svo dimm, en á endanum stóð Bjarki með rauðglóandi augu. Þetta voru creepy andsetnu vinir hennar Lindu.
Linda hefur ákveðið að flýja til Ástralíu. En það er ekki fyrr en eftir ár og á þeim tíma getur nú margt gerst. Það gæti til dæmis komið upp einhver rosaleg veira í Ástralíu og allt suður heimskautið verður sett í sóttkví.
Hvert ferðu þá HA?

Sem minnir mig á það (af undarlegum ástæðum) að ég þarf að drulla mér út á videoleigu að skila The Decent. Það kom nefnilega í ljós að Maggi skuldar þarna fyrir þrjár myndir og ég skulda ennþá fyrir Harry Potter sem ég á að hafa tekið fyrir ári.
Við skuldum samtals 10.000kr og það er bara á Okkar Video.
Annars skuldum við bæði á öllum leigum í grenndini.

En The Decent...
Ágætis mynd um gellur í helli. Hofði á hana með Möggunum tveimur og Bjarka. Maggarnir voru að skíta á sig á meðan Bjarki kom með vísindalega skýringar á öllu sem gerðist í myndinni. Go Bjarki.

Ætla að valhoppast út á leigu.

Tinna - Leti er lífstíll

Dauðinn nálgast óðfluga

2006-01-31T15:07:00.000Z

Vegna fjölda áskoranna hef ég ákveðið, eftir mikla íhugun, að henda hérna inn nýju og fersku bloggi.
Reyndar voru áskoranirnar bara tvær, en hey það dugir.

Meginástæða þessa bloggs er samt til að tefja fyrir því að hringja í ökukennara. Ég get það ekki. Ég hræðist umferð. Ég vil ekki deyja. Ég þori ekki.
Ó mig auma.

En yfir í annað...

Mér brá heldur betur í brún þegar ég gekk heim úr strætó áðan. Þá gekk ég, eins og alltaf, fram hjá Þinni Verslun en rak þá augun í stærðarinnar gat á búðinni.
Bara risa hola inn í búðina. Ég hugsaði um að fara inn og láta fólkið vita en hætti svo við. Það var örugglega einhver manneskja eins og ég sem var þarna á ferðinni.
Einhver í fyrsta ökutímanum og neglir bílnum á Þína Verslun.

En í næstu viku mun ég fremja stóran siðferðislegan glæp.

ÉG ER AÐ FARA Á SELFOSS.

Árshátíð Kvennaskólans er á Selfossi og ég keypti miðann minn í dag. Æ, æ og ó, ó.
Það verður ekki aftur snúið núna. Mun ég breytast í hnakkakvikindi? Er óhætt að fara þangað?

Nú held ég að ég að ég hafi safnað nógu miklum kjarki til að hringja hættulegasta símtal á ævi minni.

Tinna - Leti er lífstíll

Nei ég ætla að skrifa aðeins lengur...

Eins og þeir sem vita eitthvað um mig þá er ég ekki mikill aðdáandi tiltektar. Ég hef ekki tekið til síðan fyrir jólin, sem er í sjálfu sér ekkert það langur tími, en ég tók eftir því í gær að jólafötin mín liggja ennþá í kuðli á gólfinu.
Annað merki um að ég ætti að taka til er að ég hrasaði um eitthvað og datt, inni í mínu eigin herbergi. Það var reyndar allt í lagi því ég lenti á fatahrúgu.

Ætti ég að taka til?
Fyrir páska þá...

En okei, ég ætla að skella mér í þetta núna, ekki að taka til samt.
HRINGJA!
Hugsið fallega til mín.

Tinna - Leti er lífstíll

Everlasting Happyfish

2006-01-23T20:09:00.000Z

Leiðinlegasti vinnudagurinn í langan, langan tíma.
Oj.
Nenni ekki að tala um það.

En hvað þá?

Það var svona bekkjarmyndataka í skólanum. Auðvitað var þema. Og þar sem við erum svo frumlegur bekkur datt okkur ekkert betra í hug en hattaþema, það hefur öruggæega enginn gert það áður.
Ég mætti með rósóttu alpahúfuna mína og brosti breitt framan í myndavélina, þvinguðu, stífu og mygluðu brosi.

Ég held að ég muni aldrei geta farið til Danmerkur, einfaldlega vegna þess að þar er töluð danska og danska minnir mig á dönskutíma.

Dönskutímar í Kvennó eru leiðinlegir as hell.
Svona eins og Erla Jóhanna, nema þessi kona talar í súper-slow-motion og gengur í dauðum dýrum.
Ég forðast þetta eins og heitan eldinn.
Kannski er þetta bara eitthvað við dönskukennara og að vera ótrúlega boring fólk.
Örugglega ágætis fólk utan skólans, en þegar inn í dönskustofuna er komið...
ó mig auma

Ég er ennþá fúl yfir þessu með Laugaveginn.
Og annað sem er ennþá í gangi hjá mér
FJÖRFISKUR.
Vá, ætli ég komsist í Guinness World Book of Records Primetime Show eða hvað sem þetta hét.

Tinna - Leti er lífstíll

Steri Forever

2006-01-22T17:48:00.000Z

Sterinn átti afmæli í gær og Tisa óskar henni til hamngju með afmæli, próf og bíl.

Fögnum.
Dönsum.
Syngjum.

Ég er smávegis vonsvikin með útkomu dagsins í dag.
Ég og Ásgerður ákváðum að halda niður í bæ og rölta Laugarveginn á þessum yndislega sunnudegi. Á sandölum og kvartbuxum hljóp ég út í strætóskýli, mér til mikillar mæðu var ég nýbúin að missa af honum.
Þegar við vorum nú loksins komnar niður bæ var auðvitað allt lokað. Í mikilli fýlu héldum við af stað upp í Smáralind, og ég að frjósa í hel í mínum fatnaði, og röltum þar um en keyptum nákvæmlega ekki neitt.

Hlutir sem Tinna keypti á útsölu:
Trópí - 100 kr.

Djöss rip off.

Og afhverju getur þessi snjór ekki drullað sér svo ég geti safnað í mig nægum kjarki til að byrja á ökutímum?

Hafiði tekið eftir því hvað Seltjarnanesið er langt í burtu?

Tinna - Leti er lífstíll

Stundargaman

2006-01-18T17:04:00.000Z

Hefur þú einhverntíman lent í því að vera að drepast úr leiðindum í tímum?
Reynir þú að sofna í næstum hverri kennslustund?

Það er ekki eins og maður ætli að fara að læra í tilgangslausum fögum eins og ensku, dönsku, náttúrufræði, sögu og stærðfræði.

En ég er með lausnina um hvað skal gera á þannig stundum.

iPod Video.

Yeah.

Hætta er reyndar á því að maður gæti fallið, en það er alltaf hægt að taka árið aftur með iPod Video sér til stundargamans.

Yeah.

Æi blogga meira seinna, er farin að lemja fjörfisk.

Tinna - Leti er lífstíll